समाजकालागि उदाहरणीय बन्योे हसुवाको दाइजो बिहिन आदर्श बिवाह

2/28/2018 गते 00 00 मा प्रकाशित 2234 पटक पढिएको

वीरगन्ज, १६ फागुन ।

बुधवार पर्साको विन्दवासिनी गाउँपालिकाको हसुवामा रहेको रामजानकी मन्दिरमा एक आदर्श विवाह सम्पन्न भयो ।

बेहुला थिए बाराको महागढीमाई नगरपालिका वडा नम्बर ४ का देवकी महतो केवटका २५ बर्षीय छोरा सुनिल महतो केवट ।

बेहुली थिइन पर्साको पकाहमैनपुर गाउँपालिका वडा नम्बर २ हसुवाका किशोरी सहनीकी १८ बर्षीया छोरी मीना कुमारी ।

बिवाह मन्दीरमा सादगीपूर्ण भयो । भोज भत्तेर पनि गरिएन । मधेशी समाजमा यो बिवाह एक महत्वपूर्ण कदम थियो ।

वाल बिवाह र दाइजो प्रथाले थिलथिलो भएको समाजलाई एउटा गतिलो उदाहरण पनि ।

दाईजो विना नै विवाह गरेका सुनिलका परिवार पनि खुशी छन् । मधेसी समुदायमा दाइजो बिनाको बिवाह दुर्लभ नै हुन्छ ।

दाइजो रुपमा नगद कति जिन्सीमा के के पाइयो भन्ने कुरा इज्जत प्रतिष्ठासंग जोडिने भएकोले समाजमा सबैको नजर दाइजो प्रति केन्द्रीत हुन्छ । बेहुलाले दाइजो नलिने आदर्श कुरा ग¥यो भने परिवारकै सदस्यहरु असन्तुष्ट हुन्छन । तर यो बिवाहमा दुबै घर परिवार खुशी देखिए ।

दाईजो नलिई विवाह गरेपनि सुनिलको परिवार खुशी रहेको उनका दाजु अनिलले बताए । उनले भने, उनीहरु खुशी हुनु नै हाम्रो खुशी हो ।

दाईजो र भोजभतेर नगरी विवाह गरेर समाजलाई उदाहरणीय परिवार बनेर देखाएको सामाजिक अभियन्ताहरुले बताएका छन् । बालविवाह, दाईजो प्रथा, उमेर नपुगी गरिदिने विवाहका कारण तराई मधेसका महिलाहरु पीडित भईरहेका छन् ।

सुनिल र मीनाले गरेको उदाहरणीय र प्रशंसायोग्य विवाहले दाईजो प्रथाले जरो गाडेर बसेको मधेस तराईका समाजलाई भने गतिलो जवाफ दिएको छ ।

उनीहरुको यस्तो प्रेरणादायी कार्यले सामाजका अन्य व्यक्ति र परिवारहरुका लागि पनि प्रेरणा बन्न सक्छ । वीरगन्जका सामाजिक अभियन्ता प्रकाश थारु सुनिल र मीनाको साहशिक कामले आपूmहरुको अभियानलाई थप उपलब्धीपूर्ण बनाएको बताउछन् ।

सुनिल र मीना जस्ता युवाहरुको सहयोगले नै भोलिका दिनमा मधेसलाई दहेजमुक्त र वालविवाहमुक्त बनाउन सक्छौं, उनले भने ।