बीरगंज २७ साउन ।
सामाजिक बिकास समन्वय समितिको आयोजनामा १९ औ अन्तराष्ट्रीय युवादिसव भब्यता पूर्वक मनाइएको छ ।
समितिका अध्यक्ष राजेन्द्र चौधरीको अध्यक्षतामा भएको कार्यक्रममा वक्ताहरुले आजको युवाहरुको भूमिका,अवसर र चुनौतीको बारेमा प्रकाश पारेका थिए ।
नेपालका सबै परिर्वतनमा युवाहरुको उल्लेख्य भूमिका भएपनि मुलुकमै उद्यम गर्ने वतावरण नपाएर युवाहरु निराश भएको भन्दै वक्ताहरुले चिन्ता ब्यक्त गरेका थिए ।
कार्यक्रममा वक्ताहरुले आजको युवापुस्ताले फराकिलो ढंगले सोच्ने र त्यो सोचाईलाई सदैव सकारात्मक बनाउन आवश्यक रहेकोमा जोड दिए ।
उनीहरुले समाजमा श्रम गर्नेलाई सम्मान गर्ने संस्कृतिको बिकास गर्न सकियो भने उद्यमशिलाता बढ्नेमा वक्ताहरुले जोड दिए ।
स्थानीय सीप,स्रोत साधन र ज्ञानको उपयोगले पनि राम्रो अवस्था निर्माण हुनेमा वक्ताहरुले बिश्वास ब्यक्त गरे । युएनडीपीको सहायोगमा आयोजना गरिएको कार्यक्रममा वक्ताहरुले युवाहरुलाई शान्ति र सृजनाको सम्वाहक बन्नु पर्नेमा जोड दिए ।
कार्यक्रममा प्राध्यापक डा.दिपक शाक्य,नेपाल पत्रकार महासंघ प्रदेश २ का उपाध्यक्ष के.सी.लामिछाने बिद्यार्थी नेता प्रभाकर गुप्ता, युवा अभियान्ता सरोज चौरसिया पत्रकार महिला समाजका अध्यक्ष लक्ष्मी खरेल युवा नेता सन्तोष गुप्ता बिद्यार्थी नेता शिवजी गुप्ता लगायतले कार्यक्रममा मन्तब्य ब्यक्त गरेका थिए । कार्यक्रमको संचालन जय नारायण चौधरीले गरेका थिए ।
तपाईको प्रतिक्रिया