वीरगन्ज, १२ माघ । नेपाल आदिवासी जनजाति पत्रकार महासंघ फोनिज रौतहट जिल्ला शाखा शुक्रबार गठन भएको छ । रौतहटको चन्द्रपुर नगरपालिकामा हिजो भएको आदिवासी जनजाति पत्रकारहरुको भेलाले उपेन्द्र गोलेको अध्यक्षतामा नौ सदस्यीय फोनिज जिल्ला शाखा गठन गरेको हो ।
नवगठित समितिको उपाध्यक्षमा रञ्जित थोक्कर, सचिवमा अस्मिता आले मगर, सहसचिवमा दिपक श्रेष्ठ, कोषाध्यक्षमा अमृता मगर र सदस्यहरुमा अमरदिप थारु, जेन्जे लामा, राजेन्द्र कुमर कछडिया, लली गोले रहेका छन् । भेलाको चन्द्रपुर नगरपालिकाका प्रमुख चन्द्रमान चौधरीले उदघाटन गर्नुभएको थियो ।
भेलमा नेपाल आदिवासी जनजाति पत्रकार महासंघ प्रदेश नम्बर २ का इन्चार्ज निरज पिठाकोटे मगर, चन्द्रपुर नगरपालिका वडा नम्बर ५ का वडा अध्यक्ष सञ्जय काफ्ले, प्रेस चौतारी नेपालका केन्द्रीय सदस्य फणि महत, गुञ्जन एफ.एम.का स्टेशन मेनेजर सञ्जय कार्की लगायतले शुभकामना मन्तव्य व्यक्त गरेका थिए ।
तपाईको प्रतिक्रिया