बीरगंज ६ पुष ।
शीतलहरका कारण तराईको जनजीवन प्रभावित भएपछि पर्साको पटेर्वा सुगौली  गाउँपालिकामा रहेका सामुदायिक  विद्यालयहरु ५ दिनको लागी बिदा  गरिएकोे छ ।  चिसो निकै बढेपछि गाउँपालपका केही दिनकालागि बद्यालय बन्द गर्ने तहमा पुगेको गाउँ पालिकाकी उपाध्यक्ष ममता महतोले बताउनु भयो । 

बिहिबार गाउँपालिकाले गरेको निर्णय अनुसार यहि पुस ७ गते देखी ११ गते सम्म जाडोको बिदा दिईएको छ  । 

आईतवार  देखि लागेको बाक्लो हुस्सु र कुहिरो नहटेको तथा चिसो हावा चलिरहेकाले जनजीवन प्रभावित भएपछि विद्यालय सञ्चालन गर्न तथा पठनपाठन गराउन कठिनाई भएको छ ।

यही कठिनाईलाई दृष्टिगत गरि  गाउँपलिकाका सम्पुर्ण विद्यालय बन्द गर्ने निर्णय गरिएको गाउँ पालिकाको निमित्त प्रमुख प्रशासकीय अधिकृत जगन्नाथ साहले जानकारी दिनु भयो । गाउँ पालिकामा कुल २४ वटा विद्यालय रहेको शिक्षक शुभास दास थारुले बताउनु भयो ।

मङ्गलवारदेखि बढेको चिसोको कारण पर्साका ग्रामीण क्षेत्रमा सञ्चालित सामुदायिक तथा निजी विद्यालयहरूको पठनपाठन प्रभावित भएको छ ।

    चिसोले गर्दा विद्यालय आउने सङ्ख्या पातलिएको पटेर्वासुगौली गापा–४ स्थित वनदेवी आधारभूत विद्यालय भतौडाका प्रधानाध्यापक सुभाषप्रसाद दास थारूले बताउनु भयो ।

दलित बस्तीमा रहेको सो विद्यालयमा अधिकांश बालबालिका गरीब,दलित,विपन्न परिवारका भएकोले पनि उनीहरूलाई न्यानो कपडाको समस्या हुँदा विद्यालय आउन नसकेको थारूले बताउनु भयो । विद्यालयमा अध्यनरत बालबालिकालाई शरीरमा न्यानो कपडा,सुईटर जाकेट,जुतामोजा,टोपी, लगाएर आउन प्र.अ.ले आग्रह गरेपनी गरिवीको कारण लगाउन समस्या छ ।

पटेर्वा सुगौली गाउँ पालिका वडा ४ भतौडा की आशा देवी मुसहरका तीन जा बच्चा छन । श्रीमान श्रीमतीले दिनभरि कमाए बिहान बेलुका छाक टार्न सकिन्छ होइन भने भोकै सुत्नु पर्छ । यस्तोमा लालाबालाका लागि न्यानो कपडाको जोहो आशाकालागि ठुलै युद्ध जित्नु जस्तो भएको छ । शहरका नजीकमा न्यानो कपडा बितरण गर्नेहरु प्रति आशाको गुनासो पनि छैन ।  

न्यानो लुगा आफना बच्चाको रहरमा मात्र सिमति हुन पेगेकोमा आशा मा निकै अमिलो हुन्छ तर बिकल्प भने छैनन ।  यसैगरी, सखुवाप्रसौनी गापा–२ स्थित दीपनारायण आदर्श नमूना मावि पंचगावाँका प्रअ शिवनाथ दास थारूले पनि चिसोको कारण ७५ प्रतिशत विद्यार्थी  बिद्यालय आउन छोडेको बताउनु भयो  ।

एक हजार ६५ विद्यार्थी रहेको सो विद्यालयमा अहिले २५ प्रतिशत विद्यार्थी आउनथालेको प्रअ थारूले बताउनु भयो  । चिसोसँगै विद्यालयले कक्षा कोठाको झ्यालढोका बन्द गरी विद्युतीय हिटरलगायतका सामग्रीहरूको प्रयोग गरेर कक्षाकोठा तापक्रम नियन्त्रण गर्ने काम गरेको पनि उहाँले जानकारी दिनु भयो ।

    उहाँले मौसम अनुसार पोशाक लगाएर विद्यालय पठाउन अभिभावकहरूसँग आग्रह गर्नु भएको छ । घरमा रहनुभन्दा पढाइ सीपको विकासको लागि विद्यालय पठाउनु उपयुक्त भएकोले त्यसका लागि न्यानो कपडाको व्यवस्था गरी पठाउन प्रअ थारूले आग्रह गर्नु भएको हो ।
    यसैगरी, चिसो बढेसँगै स्थानीय तहमा सेवाग्राहीहरूको सङ्ख्या पनि घटेको छ ।