वीरगन्ज, २५ पुस । नेपाल रेडक्रस सोसाइटी पर्सा जिल्ला शाखाद्वारा पर्सा जिल्लाका विद्यालयहरुमा गठित जुनियर युवा रेडक्रस सर्कलहरुबीच आज प्रतियोगिता सम्पन्न भएको छ । नेपाल जुनियर युवा रेडक्रस समितिको आतिथ्यतामा र विद्यालयहरुको आयोजनामा प्रतियोगिता गराईएको थियो ।
राम चरण साह पन्नालाल माध्यमिक विद्यालय, आर्दशनगर वीरगंज पर्साको आयोजनामा जिल्ला स्तरीय निबन्ध र जिल्ला उच्चाङ्गल रामदेव कलवार नमूना माध्यमिक विद्यालय पोखरिया पर्साको आयोजनामा जिल्ला स्तरीय कबिता प्रतिगोगिता पन्नालाल मा.वि.मा संचालन गरिएको थियो । प्रतियोगितामा पर्सा जिल्लाका विभिन्न विद्यालयहरुबाट ४२ जना विद्यार्थीहरुले भाग लिएका थिए ।
प्रतियोगिताको वारेमा सहभागीहरुलाई नेपाल जुनियर युवा रेडक्रस समितिका संयोजक विनोद गिरीले प्रकाश पारेका थिए । रेडक्रस पर्साका सहायक राजन श्रीवास्तवले सहजीकरण गरेको कार्यक्रममा कोषाध्यक्ष महन्थ प्रसाद यादव, दयाशंकर सिंह, काशी प्रसाद शाह, गिता ठाकुर, मणिभूषण द्धिवेदी, प्रमिला निरौला, राजन यादव, भरत शर्मा, आलम हवारी, दिपिल परियार लगायत शिक्षक नायकहरुको समेत उपस्थिति रहेको थियो ।
प्रतियोगितामा उत्कृष्ट हुने प्रतियोगिहरुलाई जुनियर युवा रेडक्रस गोष्ठिमा पुरस्कृत गर्ने रेडक्रस पर्साका सहायक राजन श्रीवास्तवले जानकारी गराए ।
तपाईको प्रतिक्रिया