प्रजान्त्रिक आन्दोलनका योद्धा शर्माको ब्यक्तित्व बारे चर्चा, व्यक्ति एक ब्यक्तित्व अनेक नामक पुस्तक बिमोचीत
प्रजातान्त्रिक आन्दोलनका अगुवा वीरगन्जका सामाजिक अभियन्ता तथा बरिष्ठ अधिवक्ता शान्ति र लोकतन्त्रकालागि नागरिक आन्दोलनका संयोजक स्व. प्रेमनाथ शर्माको स्मृतिमा प्रकाशित पुस्तक ‘व्यक्ति एक ब्यक्तित्व अनेक’ विमोचन गरिएको छ ।
शर्माकी बुहारी लक्ष्मी पोखरेलद्वारा लिखित पुस्तक वीरगन्ज महानगरपालिकाकी उपप्रमुख शान्ति कार्कीले बुधबार विमोचन गर्नुभएको हो । विमोचन समारोहमा बोल्ने वक्ताहरूले स्व.शर्माले समाजका बिभिन्न पक्षमा पुर्याउनु भएको योगदानको बारेमा चर्चा गरेका थिए ।
बरिष्ठ अधिवक्ता, राजनीतिज्ञ तथा सामाजिक अभियन्ता समेत रहनुभएका शर्माले नेपाली कांग्रेसलाई स्थापित गर्न निकै ठुलो भूमिका खेलेको ब्यक्तिको रुपमा सदैब स्मरणीय रहने भन्दै वक्ताहरुले उहाँलाई सम्मान पूर्वक सम्झिाएका थिए । उहाँका छोरा श्याम पोखरेलले विगतलाई स्मरण गर्दै शर्मा एक निडर र इमान्दार व्यक्तित्व र भ्रष्टाचारको कट्टर विरोधी रहेको बताउनुभयो ।
सामाजिक परिवर्तनको आन्दोलनमा जीवनको अन्तिम सम्म सक्रिय रहनुभएका शर्माले २०६२र०६३ को आन्दोलनमा नेतृत्व लिएर आन्दोलनलाई उचाईमा पु¥याउनु भएको थियो । नेपाली राजनीतिका उच्च व्यक्तिहरुसँग मात्रै नभई वीरगन्जमा पनि उहाँ सबैका सामु परिचित हुनुभएको थियो । उहाँले ट्रान्सपरेन्सी इन्टरनेशनल मार्फत पनि सदाचार आन्दोलनको अगुवाई गर्नु भएको थियो ।
सदाचार पद्धतीले मात्र समाज राम्रो हुने कुरामा जोड दिने शर्माले भ्रष्टाचारका बिरुद्ध निर्ममता पूर्वक लडनु पर्नेमा जोड दिने गरेको नेपाल पत्रकार महासंघका केन्द्रीय सदस्य के.सी.लामिछानेले स्मरण गर्नुृ भयो । शान्ति र लोकतन्त्रको लागि नागरिक आन्दोलनको नेतृत्व गर्नु भएका शर्माको प्रजातान्त्रिक आन्दोलनमा पनि अतुलनीय योगदान रहेको उहाँले बताउनु भयो ।
लेखक लक्ष्मी पोखरेलको अध्यक्षतामा भएको कार्यक्रममा महानगरपालिकाकी उपप्रमुख शान्ति कार्की बरिष्ठ पत्रकार जगदीश शर्मा, उद्योगी तथा साहित्यकार गणेश लाठ, नेपाल रेडक्रस सोसाईटी मधेस प्रदेश अध्यक्ष फुलमहम्मद मियाँ, वीरगन्ज महानगरपालिका वडा नम्बर ६ का वडाध्यक्ष ध्रुब नेपाल लगायतले स्व. शर्माको बारेमा चर्चा गरेका थिए । कार्यक्रमको सहजीकरण उदय शर्माले गर्नुभएको थियो ।
सम्बन्धित शीर्षकहरु
सीमापारी/अन्तराष्ट्रिय
प्रवासी नेपाली मञ्च क्यानडाको अध्यक्षमा रमेश धिताल चयन
प्रवासी नेपाली मञ्च क्यानडाको अध्यक्षमा रमेश धिताल सहितको कार्यसमिति सर्वसम्मत चयन भएका छन ।
अभियन्ता चौधरीलाई ‘ग्लोबल एन्टी रेसिजम च्याम्पेनसिप अवार्ड’
वाशिङ्गटन डिसी । नेपालकी सामाजिक अभियन्ता उर्मिला चौधरीे ग्लोबल एन्टी रेसिजम च्याम्पेनसिप अवार्डद्वारा सम्मानित भएकी छिन ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
क्याम्पस प्रमुख कुशवाहाको हत्याका मुख्य अरोपीलाई बारा प्रहरीले गर्यो सार्वजनीक
कलैया । बाराको रामराजा बहुमुखी क्याम्पसका प्रमुख हरिभूषण कुशवाहाको हत्यामा संलग्न रहेको आरोपमा प्रहरीले सुरेन्द्र कुशवाहालाई पक्राउ गरेको छ ।
खेलकुद
क्रिकेटर प्रविण र एसईईमा सर्वोत्कृष्ट नतिजा ल्याउने साह वीरगंज महानगरद्वारा सम्मानित
वीरगंज । नेपाली महिला टोलीलाई विश्वकप क्रिकेटसम्मको यात्रामा योगदान पु¥याउने वीरगंजकी क्रिकेट खेलाडी साना प्रविण र यस वर्षको एसईई परीक्षामा पर्सा जिल्ला प्रथम भएकी रिया साहलाई वीरगंज महानगरपालिकाले आइतबार एक कार्यक्रमकाबीच सम्मान गरेको छ ।
तपाईको प्रतिक्रिया