ट्रान्सपरेन्सी इन्टरनेशनल नेपालको आयोजनमा बीरगंजमा सामाजिक जवाफदेहीता र सदाचारकालागि सहकार्य अन्र्तगत ब्यवसायीक आचार संहिताका सम्बन्धमा कार्याशाला गोष्ठी सम्पन्न भएको छ ।
नेपाल उधोग बाणिज्य महासंघ मधेश प्रदेशका अध्यक्ष गणेश लाठको अध्यक्षतामा भएको कार्यक्रममा डा.हेमन्त दवाडीले ब्यवसायीक आचार संहिताको बारेमा कार्यपत्र प्रस्तुत गर्नु भएको थियो । उहाँले सार्वजनीक सेवा प्रदायकहरुलाई जनउत्तरदायी बनाउनकालागि आचार संहिताको आवश्यकतामा जोड दिनु भयो । सदाचार पद्धतीको प्रर्वद्धन र सुशासनमुखी ब्यवस्थाकोलागि ब्यवसायीलेपनि आफूलाई स्वंनियमन गर्न आचार सहिताको पालनमा आवश्यक रहेको बताउनु भयो ।
कार्यक्रममा बीरगंज उधोग बाणिज्य संघका पूर्व अध्यक्ष अशोक बैद्य ,अशोक टेमानी ,नेपाल पत्रकार महासंघका केन्द्रीय सचिव दीपेन्द्र चौहान , केन्द्रीय सदस्य के.सी.लामिछाने राजनीतिकर्मी लक्ष्मीनाथ नेपाल , बीरगंज उधोग बाणिज्यसंघका उपाध्यक्ष हरि गौतम अध्यापक डा.दीपेन्द्र चौधरी लगायतले सुझाव प्रस्तुत गर्नु भएको थियो । कार्यक्रममा पर्साका प्रमुख जिल्ला अधिकारी उमेश ढकाल बीरगंज उधोग बाणिज्य संघका अध्यक्ष सुबोध गुप्ताले मन्त्बय ब्यक्त गर्नु भएको थियो ।
तपाईको प्रतिक्रिया