वीरगञ्ज महानगरपालिकाले संस्थागत विद्यालयहरुको स्तर वर्गिकरण तथा शुल्क निर्धारणका बिषयमा उठेका बिभिन्न प्रश्नहरुको जवाफ दिएको छ ।

महानगरले आफनै कार्यालयमा एक पत्रकार सम्मेलनको अयोजना गरेर बिद्यालयको बर्गिकरण र शुल्क निर्धारणको काम शिक्षा ऐन , नियमावलीर स्थानीय सरकार संचालन ऐनको परिधिमा रहेर गरिको जानकारी दिएको छ ।

शिक्षालाई सुलभ र गुणस्तरीय बनाउनकालागि बिद्यालयको बर्गिकरण र शुल्क निर्धारण गरिएको महानगरप्रमुख राजेशमान सिंहले बताए । शिक्षा क्षेत्रलाई सुधार गर्ने र आम अभिभावकको चिन्ता र चासोलाई सम्बोधन गर्नकालागि बिद्यालयको बर्गिकरण शुल्क निर्धारण गरिएको उले बताए ।

बिद्यालयले आफूले गरेको स्वमूल्यकनलाई महानगरको तर्फबाट बिज्ञ सम्मिलीत टोलीद्वारा पूनः मूल्याकन गरि बिद्यालय बर्गिकरण गरिएको उनले बताए । प्रमुख सिंहले शिक्षा नियमावलीले अनुसुची २१ २१ गरेको ब्यवस्था अनुसार बिदालयको शुल्क निर्धारण गरेको समेत जानकारी दिए ।

महानगरका शिक्षा शाखा प्रमुख अरविन्द लाल कर्णले महानगरमा रहेका ११९ वटा सामुदायिक विद्यालयहरु मध्ये अहिले ५८ वटा विद्यालयको वर्गिकरण गरिएको र वर्गिकरणका लागि नआएका सबै विद्यालयलाई तल्लो “घ” वर्गमा राखिएको जानकारी दिए ।

पत्रकार सम्मेलनमा महानगर प्रमुख सिंहले आफूहरुले कुनै विद्यालयको शुल्क बढाउने र कुनैको घटाउने कार्य नगरेको भन्दै शिक्षा नियमावलीले निर्धारण गरेको सुत्रको आधारमा शुल्क निर्धारण भएको बताए ।

उनका अनुसार केही विद्यालयमा वर्गिकरण पछि अहिले निर्धारण भएको शुल्क गत वर्षको भन्दा पनि न्यून आएको र कुनैको भने केही बढ्न गएको देखिएको छ । शुल्क निर्धाणरमा “क” वर्गमा परेका बिद्यालयको शुल्क केही घटेको देखिन्छ भने “ख” श्रेणीमा परेका बिद्यालयको शुल्क केही बढेको देखिन्छ । “ग” श्रेणीका बिद्यालयको पनि केह शुल्क बढेको देखिन्छ ।

“ग” श्रेणीमा परेको एउटा बिद्यालयले अहिले सम्म कक्षा १० को शुल्क २ हजार ९ सय ५० रुपैया लिदै आएकोमा महानगरले गरेको शुल्क निर्धारण पछि उसले ३ हजार १ सय रुपैया शुल्क लिन पाउने देखिन्छ ।

महानगरले निर्धारण गरेको शुल्क भन्दा बढी लिए त्यस्तो विद्यालयलाई कारबाही गर्ने पनि महानगरले चेतावनी दिएको छ । महानगरको निर्देशन विपरित शुल्क असुल गर्नेलाई २५ हजारदेखि १ लाख रुपैयाँसम्म जरिवाना, स्तर घटुवाका साथै विद्यालय खारेजसम्मको कारबाही हुने व्यवस्था ऐनमा उल्लेख छ ।

पत्रकार सम्मेलनमा महानगरका उपप्रमुख इम्तियाज आलम, प्रमुख प्रशासकीय अधिकृत लक्ष्मी पौडेल, शिक्षा महाशाखा प्रमुख अरविन्दलाल कर्ण वडा नम्वर ४ का वडाध्यक्ष जगत साह कानु, ५ का प्रदीप चौरसिया, समितिका सदस्य डा.दीपेन्द्र चौधरी लगायतको उपस्थिति रहेको थियो ।
यसैवीच अभिभावक संघर्ष समितले बिद्यालयको बर्गीकरण र शुल्क निर्धारणको बिषयमा आफनो असहमती रहेको सार्वजनीक गरेको छ । जिल्ला प्रशासन कार्यालय पर्सामा दर्ता भएको अभिभावक संघले शुल्क निर्धाणरमा अभिभावकको सहभागिता नगराइएको भन्दै शुल्क निर्धाण प्रति असहमत जनाएको स.घ अध्यक्ष सन्दीप साहले बताए ।

उनले बिद्यालयको बर्गिकरण पनि दोषपूर्ण रहेको बताएका छन । शिक्षा नियमावलीले बनाएको मापदण्डा अनुसार वीरगंजमा ज्ञानदा एकेडेमी बाहेक अन्य स्कूल “क ” वर्गामा नपर्ने उनले दावी गरेका छन ।