चितवन । देशभरी नै पछिल्लो समयमा ब्रिजकोर्सको माग बढेको पाईन्छ । ‘ब्रिज कोर्स’ एसएलसी जाँच दिएर फुर्सदमा बसेका विद्यार्थीलाई उच्च शिक्षाको ढोकासम्म सजिलै पुग्न सघाउने पुल नै हो ।

एसएलसीसम्म पढ्दा विद्यार्थीले जुन वातावरणको अनुभूति गर्छन्, कक्षा ११ मा विल्कुलै पृथक हुनु स्वाभाविकै हो । अध्यापन र अध्ययन शैली पनि फरक हुन्छ ।

नयाँ शैलीमा आत्मविश्वासका साथ घुलमिल हुन र नयाँ कोर्सका बारेमा अग्रिम अपडेट रहन ‘ब्रिज कोर्स’ अचुक उपाय हो । त्यस तै बिगत ११ बर्षदेखि ए लेभलका साथै सीटीईभीटीका विभिन्न प्राविधिक कोर्स सञ्चालन गर्दै आएको चितवनको ह्वाउट हाउस एजुकेशन जोनले विद्यार्थीहरुलाई लक्षित गरेर ब्रिज कोर्स सञ्चालन गर्दै आएको छ ।

यही चैत २५ गतेबाट एसईई सकेका विद्यार्थीहरुलाई लक्षित गरेर ब्रिज कोर्स सँगै कक्षा ११ र १२ को लागि प्रि मेडिकल एण्ड प्रि ईन्जिनियरिङ कक्षा सञ्चालन गर्ने ह्वाउट हाउसका कार्यकारी प्रमुख रोशन ओझाले बताए ।

उनले भने “पाठ्यक्रमको हिसाबले कक्षा १० सम्म र प्लस टुको पाठ्यक्रम फरक छ, त्यसमाथि ए लेभलका साथै सीटीईभीटीका विभिन्न प्राविधिक कोर्स पनि छन् । यस्तोमा ब्रिजकोर्स विद्यार्थीका लागि सहयोगी बनेको हुन्छ ।”

उच्च शिक्षाका निम्ति महत्त्वाकांक्षी लक्ष्य राख्नेहरूले मात्र होइन, सामान्य विषयमा उच्च शिक्षा हासिल गर्न चाहने आम विद्यार्थी पनि ब्रिजकोर्सबाट प्रभावित भएका छन् । उच्च शिक्षामा विज्ञान विषय लिएर अध्ययन गर्ने विद्यार्थीका निम्ति ब्रिजकोर्सको अध्ययन अत्यन्तै प्रभावकारी हुन्छु, ह्वाउट हाउसका आइटी प्रमुख सिजन न्यौपाने भन्छन “विज्ञान संकायको हकमा विद्यार्थीले स्कूल र कलेजबीच ग्याप महसुस गर्छन्, उक्त ग्याप परिपूर्ति गर्न ब्रिजकोर्स सही माध्यम हुन सक्छ” । ह्वाउट हाउस एजुकेशन जोनले लकडाउनको बेला पनि उच्च प्रविधिको प्रयोग गरेर विद्यार्थीहरुलाई लक्षित गरी ब्रिज कोर्स सञ्चालन गर्दै आएको आइटी प्रमुख न्यौपानेले बताउछ्न्।

ह्वाउट हाउस एजुकेशन जोनमा ए लेभलका साथै सीटीईभीटीका विभिन्न प्राविधिक कोर्स पनि छन् । दैनिक बिहान, दिउँसो र बेलुका उच्च प्रविधिको प्रयोग गरेर सुविधा सम्पन्न कक्षाकोठामा ‘ब्रिज कोर्स’ पढाइने र करिब तीन महिनासम्म अध्यापन हुने ब्रिजकोर्स कार्यक्रमका संयोजक ललित चौधरी बताउँछन् । प्रत्येक साता जाँच पनि लिइने गरेको कार्यक्रम संयोजक ललित चौधरीले बताए।

ह्वाउट हाउस एजुकेशन जोनले विद्यार्थीको सेन्ट अप परीक्षाको नतिजाका आधारमा शत प्रतिशतसम्म छात्रवृत्ति समेत उपलब्ध गराउँदै आएको छ । कक्षा १० पछि विज्ञान, व्यवस्थापन, ए लेभल तथा प्राविधिक विषय अध्ययन गर्न चाहने विद्यार्थीका लागि प्रि–क्लास उपलब्ध गराएको सिटीभिटी संयोजक शिशिर कुँवरले जानकारी दिए । तयारी कक्षाको साथमा विद्यार्थीहरुलाई रचनात्मक कार्यक्रम, प्रयोगात्मक कक्षा र सेमिनारहरु आयोजना गर्दै आएको ह्वाउट हाउस एजुकेशन जोनका कोषाध्यक्ष ॠगोस बरालले बताए।

विभिन्न कोर्सहरु सञ्चालन गरिरहेको ह्वाउट हाउस एजुकेशन जोनमा अध्ययन गरेका विद्यार्थीहरुले विभिन्न राष्ट्रिय परीक्षामा उत्कृष्ट नतिजा हासिल गर्दै आएका छन ।