पर्साको सखुवा प्रसौनी गाउँपालिकामा बिहिबारदेखी २ दिने स्वास्थ्य परिक्षण शिविर सुरु भएको छ ।
२९ औं अन्तर्राष्ट्रिय अपाङ्ग दिवसको अवसरमा अपाङ्गता भएको व्यक्तिहरुको लागि महुवन स्वास्थ्य चौकीमा सुरु भएको शिविरको पर्साका प्रमुख जिल्ला अधिकारी आस्मान तमाङले उद्घाटन गर्नु भयो ।
शिविरको प्रथम दिन ७२ जना अपाङ्ता भएका व्यक्तिहरुले स्वास्थ्य परिक्षण गराएको गाउँपालिका अध्यक्ष प्दीय जैसवालले बताउनु भयो ।
शिविर उद्घाटन समारोहमा नेपाल प्रहरीका प्रहरी उपरिक्षक गंगा पन्त, सशस्त्र प्रहरीका प्रहरी उपरिक्षक राजेन्द्र खड्का, प्रमुख प्रशासकिय अधिकृत संदेश कुमार यादव लगायतकाले मन्तव्य ब्यक्त गर्नु भएको थियो ।
कार्यक्रमको संचालन गाउँपालिका स्वास्थ्य संयोजक राजेश रौनियारले गर्नु भएको थियो ।
सखुवा प्रसौनी गाउँ कार्यपालिकाको कार्यालयको आयोजनामा संचालित शिविरमा डा. आकाश मिश्र र डा. राजन पुरीले स्वास्थ्य परिक्षण गरिरहेका छन् ।
यसैबिच २९ औं अन्तराष्ट्रिय अपाङ्गता दिवसको अवसरमा बीरगन्ज महानगरपालिकाले अपाङता भएकाहरुलाई एक कार्यक्रमकाबीच व्हिल चेयर वितरण गरेको छ । महानगरको कार्यालयमा आयोजित कार्यक्रममा १० जना अपाङहरुलाई व्हिल चेयर वितरण गरिएको हो ।
नगरप्रमुख बिजय कुमार सरावगीको प्रमुख अतिथ्यमा सम्पन्न भएको कार्यक्रम उप प्रमुख शान्ति कार्की अध्यक्षतामा भएको थियो ।
तपाईको प्रतिक्रिया