बीरगंज । महिलाहरुको नेतृत्व र सहभागितामा संचालनमा आएको समाचार पोर्टल सखीखबर.कमको नेपाल पत्रकार महासंघका केन्द्रीय सदस्य के.सी.लामिद्धाने एक कार्यक्रमकावीच प्रारम्भ गरेका छन ।

 नेपाल पत्रकार महासंघका केन्द्रिय सदस्य केसी लामिछानेले ल्यापटपमा इन्टर बटम थिची उक्त अनलाइन पत्रिका प्रारम्भ गरेका हुन् ।सखी, महिलाको साथी संस्थाद्वारा सखीखबर डट कम अनलाइन पत्रिका प्रकाशनमा आएको हो ।

बाराको फेटा गाउँपालिकाको भलुहीको बगैचा कटेजमा कार्यक्रमको आयोजना गरिएको थियो ।

महिलाको नेतृत्वमा संचालीत सखीखबर.कमलाई महिलाहरुको सशक्तिकरण र सीप बिकासकालागि उपयोग गर्नु पर्ने केन्द्रीय सदस्य लामिछानेले बताए ।

 उनले महिलाका बिषयमा सृजनात्मक रुपमा कलम चलाउने र महिलाको बिषयमा पहिचान स्थापित हुने गरि काम गर्न समेत सुझाव दिए ।

 उनले पत्रकारिता भित्र मौलाउदै गएको बिकृति र बिसंगतीको कुप्रभावबाट मुक्त हुन आग्रह गरे ।

कार्यक्रमका सहभागी वक्ताहरुले पत्रकारितामा गरिएको गलत अभ्यासको बारेमा उठाएका प्रश्नहरु गम्भिर रहेको बताउदै उनले पत्रकारलाई पत्रकारिताको मर्म अनुसारको पत्रकारिता गर्न आग्रह गरे ।

लामिछानेले पत्रकारिता राष्ट्रको चौथो अंग रहेको तथा पत्रकार व्यतिmगत लाभको लागि नभई सदैव सम्पुर्ण समाजको लागि समर्पित हुनुपर्नेमा जोड दिए ।

 
उनले भने , “हामी राज्यको चौथोको अंग हो तर राज्यको दाना पानी नखाई समाजको लागि न्यायको पक्षमा लाग्छौाँ ।

 एउटा डाक्टरले एउटा मान्छे उपचारको क्रममा मार्यो भने एउटा परिवार र आफन्तलाई पिडा हुन्छ तर हामीले समाचार विगार्यो भने समग्र समाजलाई नै असर गर्छ ।

 त्यसैले पिडामा परेकोलाई न्याय दिलाउने , आवाजविहीनको आवाज बनिदिने र समाजका सरोकार राख्ने विषयवस्तु उठान गरी सकारात्मक पहलको लागि बाटो खोलिदिने भुमीका हाम्रो हो ।

”उनले सत्यतथ्य समाचार सम्प्रेषण गर्न जोड दिएका थिए ।

सखीखबर डट कम अनलाइनकी उपाध्यक्ष रेनु कुमारी कुश्वाहाको अध्यक्षतामा भएको कार्यक्रममा प्रसौनी गाउँपालिकाका अध्यक्ष विनोद प्रसाद जयसवाल , पत्रकार उमेश दुवे , फेटा गाउँपालिका वडा नम्बर ५ का वडा अध्यक्ष आयुब अंसारी , फेटा वडा नम्बर २ का वडा अध्यक्ष नरेश प्रसाद , वडा नम्बर १ का पुर्व वडा अध्यक्ष जयप्रकाश दास,माओवादी केन्द्रका युवा नेता मुकेश साह , जनमत पार्टिकका केन्द्रिय सदस्य तथा वनपैदावार समितिका बारा अध्यक्ष सुरेश साह , विवेकशिल साझा पार्टिका जिल्ला अध्यक्ष डा.शुसिल साह , युवा संघका बारा जिल्ला अध्यक्ष सदाम अंसारी , श्री गढीमाई साझेदारी वन व्यवस्थापन समिति पथलैया बाराका अध्यक्ष रामएकवाल साह, लगायतले मन्तब्य ब्यक्त गरेका थिए ।

सखी महिलाको साथी संस्थाकी सदस्य पुजा कुश्वाहाले स्वागत मन्तव्य व्यक्त गरेकी थिईन् भने कार्यक्रममा सहजिकरण सखी संस्थाका कार्यक्रम संयोजक राजेश कुशवाहाले गरेका थिए । कार्यक्रम संचालन पत्रकार माधुरी महतोले गरेकी थिईन् ।