वीरगन्ज महानगरपालिकाका नगर प्रमुख विजय कुमार सरावगीको आर्थिक सहयोग र माट्रिका आइ फाउन्डेसनको प्राविधिक सहयोगमा निःशुल्क आँखाको अप्रेसन (शल्यक्रिया ) शुरु भएको छ ।
सोमबार जगरनाथपुर गाउँपालिकाका मोतिबिन्दुका बिरामीहरुको आँखाको निःशुल्क अप्रेसन शुरु भएको हो । माट्रिका आई फाउण्डेशनमा नगर प्रमुख सरावगीको प्रत्यक्ष निगरानीमा शल्यक्रिया शुरु गरिएको हो ।
सोमबारदेखि शुरु भएको शल्यक्रियाको मेयर सरावगी आफै उपस्थित भएर शल्यक्रिया गराएका बिरामीहरुको स्वास्थ्य अवस्थाको बारेमा जानकारी लिनुभएको थियो ।
वीरगन्ज महानगर वडा नमबर ३० मा चार किलोमिटर बाँध निर्माण
वीरगन्ज महानगरपालिका वडा नम्बर–३० लालपार्सामा चार किलोमिटर बाँध निर्माण गरिएको छ ।
वीरगन्ज महानगरपालिकाले वडा नम्बर ३० को प्रसोतिपुरमा भेडाहा खोलाको बाढीले कटान गरेर बर्सेनी खेतमा लगाएको बाली क्षति गर्ने गरेको थियो ।
बाढी प्रभावित क्षेत्र र नदिले कटान गरेर क्षति पु¥याएपछि स्थानीयको आग्रहमा नगरप्रमुख बिजय कुमार सरावगीले नगरस्तरीय बजेटबाट करिब चार (४) किलो मिटर बाँधको निर्माण गराउनु भएको हो । निर्माण गरिएको बाँधको सोमबार महानगर प्रमुख सरावगी सहितको टोलीले स्थलगत निरिक्षण गरेको छ ।
सोमबार बिहानै नगरप्रमुख सरावगी, योजना माहाशाखा प्रमुख सुमन श्रेष्ठ, ईन्जिनियर तथा प्राविधिक लागायतका टोलीले स्थलगत रुपमा निरीक्षण गरेका हुन् ।
तपाईको प्रतिक्रिया