हराएका वीरगन्जका दुई बालकको अवस्था अझै अज्ञात
वीरगन्जमा हिजो बिहानैदेखि हराएका दुईजना बालक अझै भेटिएका छैनन् । टियुसन पढ्न गएका दुईजना बालक हिजो बिहान ११ बजेदेखि हराईरहेका हुन् । वीरगन्जका व्यवसायी जगरनाथ प्रसाद कलवारका छोरा ‘तेजस’ भनिने शिवेस गुप्ता र वीर्ताका दिपेश शर्माका छोरा प्रनिश शर्मा हिजो बिहान ११ बजेदेखि हराईरहेको शिवेसका बुवा जगरनाथ प्रसाद कलवारले जानकारी दिनुभयो ।
हिजो बिहानदेखि हराईरहेका उनीहरुको अवस्था अझै अज्ञात रहेको छ । बालकहरु हराएपछि खोजी गरिदिन अभिभावकले सामाजिक सञ्जाल मार्फत समेत अनुरोध गर्नुभएको छ । हराएका बालकहरु फेला परेमा ९८५५०२१५५५, ९८५५०२२८७६, ९८०२०२४५०९ र ९८०२९२४५१० मा सम्पर्क गरिदिन अथवा नजिकैको प्रहरी कार्यालयमा समेत जानकारी गराउन अनुरोध अभिभावकले अनुरोध गरेका छन् ।
उनीहरुको खोजीका लागि अभिभावकले जिल्ला प्रहरी कार्यालयमा समेत उजुरी दिएका छन् । प्रहरीका अनुसार शिवेस ट्युसन पढ्न निस्किएको र प्रनिश भने साईकल लिएर घरबाट निस्किएको हो । उनीहरुको हिजैदेखि खोजतलास जारी रहेको पर्साका प्रहरी नायव उपरीक्षक मनोजित कुवँरले जानकारी दिनुभयो । मातहतका सबै प्रहरी युनिटहरुमा समेत खोजीका लागि िनर्देशन गरिसकिएको उहाँले बताउनुभयो ।
सम्बन्धित शीर्षकहरु
वीरगंज। भारतले बुधबार पाकिस्तान र पाकिस्तान नियन्त्रित कश्मीर (पीओके) मा रहेको ‘आतङ्कवादी केन्द्रहरु’ नौ स्थानमा हमला गरेको घोषणा गरेको छ ।
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
काठमाडौँ । कर्णाली प्रदेशमा हुने दसौँ राष्ट्रिय खेलकुदको लोगो र मस्कट मंगलवार सार्वजनिक गरिएको छ ।
तपाईको प्रतिक्रिया