कलैया। बारा प्रहरी प्रमुख सन्तोष तामाङ आदर्श र इमान्दारीको राग अलाप्न निकै माहिर छन ।

उनी इमान्दारीता र ब्यवसायीक निष्ठाको पक्षमा जती तर्कशिल भएर प्रस्तुत हुन्छन ब्यवहारमा त्यसको ठयाक्कै उल्टो भएको कुरा बारामा बढ्दै गएको अनधिकृत कारोवारले छर्लङ्ग पारेको छ । 

तमाङ्ग प्रहरी प्रमुखको रुपमा बाराको नेतृत्वमा आएपछि  वीरगंजलाई आधार बनाएर तस्करी गरिरहेका तस्करहरु बारामा “सिफ्ट” भएका छन ।

तस्करीकालागि सहज बनेको बारामा, बारा प्रहरी प्रमुखले प्रहरीका युनिटमा खटाइने कमाण्डरसंग बाट पनि नाजाज फाइदा लिने गरेको तथ्य सार्वजनीक भएको छ । स्रोतका अनुसार युनिट प्रमुखहरुले एसपी तमाङ्गलाई मासिक रुपमा नजराना बुझाउनु पर्ने अवस्था छ । 

यसरी खटाइएका युनिट प्रमुखरुको तीन महिना अवधि तोकिएको हुन्छ । जुन यनिट प्रमुख प्रहरी उपरिक्षक तमाङ्गको सेवा सत्कारमा अब्बल  ठहर हुन्छन उनको अवधि थप गरिने आश्वासन उनैले दिएर युनिट प्रमुखहरुलाई “मोटिभेट”समेत गर्ने गर्दछन ।

यो त प्रहरी भित्रको कुरा भयो जसले तस्करी गर्छ त्यस्ता तस्करहरुले पनि महिनावारी रुपमा एसपी तमाङ्गलाई नजराना बुझाउने गरेका छन । तमाङ्गको असुलीतन्त्रलाई अहिले प्रहरी निरीक्षक खेमप्रसाद नेपाल ब्यवस्थापन गर्ने जिम्मा पाएका छन ।

उनी सुन तस्करी गरेको अभियोगमा प्रहरी सेवाबाटै बर्सास्त समेत भएका ब्यक्ति हुन । एसपी तमाङ्ग र नेपाल झापाका त्यो पनि छिमेकी नै हुन ।

पहिले देखिनै उनीहरुका वीचमा राम्रो तालमेल मिल्दै आएको स्रोतले जनायो । नेपालको असुली धन्दामा असई बलबहादुर तामाङलाई पनि समावेश गराइएको छ । 

वीरगंज भएर भारत तर्फ हुने कवाडीको तस्करी अहिले बाराबाट हुन थालेको छ  । तस्करसँग सेटिङ मिलेपछि सीमा क्षेत्रमा सशस्त्र र नेपाल प्रहरीको  टोलीले तस्करी नियन्त्रणमा आँखा चिम्लिदिँदा बारा अहिले तस्करकालागि सुरक्षीत बनेको छ । 

बाराको कचोरवा, सिमरौनगढ, बेलदारी, कबही, मटिअर्वा, छतवा, गण्डक नाकाबाट तस्करीको कारोवार निर्वाध रुपमा भइरहेको स्रोतको दावी छ ।

यी नाकाबाट प्याज, आलु, कपडा, मोटरपार्टस्, लताकपडा, किराना सामान, पान मसाला, सुर्तीजन्य पदार्थ रजनीगन्धा, गुटखा भन्सार राजस्व छली गरी भित्रिन्छ। वारिबाट मदिरा, चिनियाँ स्याउ, मटर, ग्याँस लाइटर, गाँजा पारि पु¥याइन्छ।

बारामा प्रहरीले आफनो नागरिक साझेदारी कार्यक्रम अन्तर्गतका सार्वजनीक सुनवाई जस्ता कार्यक्रमहरु जिल्लाको उत्तरी भेगमा आयोजना गर्छ ।

महेन्द्रराजमार्ग आसापासमा अनधिकृत कारोवारका केही सामान समातेर भन्सार बुझाएको पनि देखाउछ तर बाराको  दक्षीण भेग जसको सीमा भारतसंग जोडिएको छ त्यता प्रहरीको यो भूमिका नगन्य मात्रामा रहेको पाइन्छ । यस बिषयमा एसपी तमाङ्गसंग प्रतिक्रिया लिन मोवाइल सम्पर्क गर्ने प्रयास गर्दा सम्र्पक हुन सकेन ।