जनकपुरधाम । जनकपुरधाम उपमहननगरपालिकाका वडा नं . १५ रामपुर निवासी अन्दाजी ७५ वर्षिय बासुदेव प्रसाद विमललाई छुरा प्रहार गरि हत्या गरिएको धनुषा प्रहरीले जनाएको छ ।
विमललाई उनकै ज्वाइँ जनकपुरधाम–२१ कुर्थाका ४८ वर्षीय बेचन महासेठले बुधवार बिहान १० बजे घरमै छुरा प्रहार गरेको धनुषा प्रहरी नायव उपरिक्षक बरुण बहादुर सिंहले जनाए ।
जग्गासम्बन्धी घरायसी विवादका कारण बेचनले ससुरालाई घरमै छुरा प्रहार गरेका हुन् । ज्वाँइले पेटमा चक्कु प्रहार गरेपछि वासुदेव गम्भीर घाइते भएका थिए ।मृतक जनकपुरधाम उपमहानगरपालिकाका प्रमुखका नातामा काका पर्छन ।
छुरा प्रहारबाट घाइते बासुदेवको अस्पताल लग्दै गर्दा बाटोमै मृत्यु भएको थियो ।
घटनापश्चात चक्कु प्रहार गर्ने ज्वाइँ बेचन फरार छन् । घटनाबारे थप अनुसन्धान भइरहेको जिल्ला प्रहरी कार्यालयले जनाएको छ ।
तपाईको प्रतिक्रिया