नेपाली कांग्रेसमा बिधानको चीरहरण, भ्रष्टचारीलाई पार्टी सभापतिको जिम्मेवारी ,लोकतन्त्र प्रतिको निष्ठा देखाउने दाँत
सर्लाही । सर्वोच्च अदालतले गत फागुन १५ गते चार महिना १५ दिन कैद र १ करोड २३ लाख रुपैयाँ बिगो तिराउने विशेष अदालतको फैसला सदर गर्दै निर्णय गर्यो ।
अन्तिम अदालतबाट भ्रष्टाचारजन्य कसुरमा कसुरदार ठहर भएका ब्यक्ति हुन नेपाली कांग्रेस सर्लाहीका बहालवाला सभापति सुरेन्द्र प्रसाद सिंह ।
सिंहलाई सर्लाहीको तत्कालीन मनुस्मारा सिँचाइ आयोजना प्रथम चरणको जल उपभोक्ता समितिको अध्यक्ष रहँदा आर्थिक अनियमितता गरेको अभियोगमा विशेष अदालतले दोषी ठहर गर्दै कैद र जरिवानाको सजाय सुनाएको थियो । पछि सर्वोच्चले सिंहको अपिललाई खारेज गर्दै बिशेष अदालतकै फैसला सदर गरेको हो ।
नेपाली कांग्रेस लोकतन्त्रप्रति निकै ओठेभक्ति प्रर्दशन गर्ने पार्टीको हो । नीति र बिधि राम्रो लेख्ने ब्यवहार र कर्म ठिक उल्टो गर्ने उसको कार्यशैली भएको छ ।
भ्रष्टाचारमा दोषी ठहर भइसकेका नेपाली कांग्रेस सर्लाहीका जिल्ला सभापति सुरेन्द्र प्रसाद सिंहलाई पार्टीले केन्द्रीयस्तरमै सम्मान गरेर नेपाली कांग्रेसले आफनो असली चेहरा देखाएको छ ।
पार्टीको विधि र नैतिकता दुवैलाई तिलाञ्जली दिँदै पूर्वप्रधानमन्त्री तथा कांग्रेस सभापति शेरबहादुर देउवाले उनलाई सानेपास्थित पार्टी कार्यालयमा सम्मान गरेका हुन् ।
सम्मान पत्रमा लेखिएको छ ‘नेपाली कांग्रेस केन्द्रिय कार्यालयमा आधुनिक पुस्तकालय तथा स्रोत केन्द्र संचालनार्थ पुस्तक प्रदान गर्नु भएकोमा धन्यवाद व्यक्त गर्दै यो सम्मान पत्र प्रदान गरिएको छ।’
नेपाली कांग्रसको बिधानको धारा १३ को (ङ) मा नैतीक पता देखिने पतन देखिने अभियोगमा अन्तिम अदालतले दोषी ठहर गरेमा पार्टीको सदस्यता नरहने ब्यवस्था गरेको छ । सिंह अन्तिम अदालतबाटै दोषी ठहर भएका हुन ।
नैतीक पतन देखिने फौजदारी अपराध पनि हो । स्वतः सदस्यता समाप्त भएका ब्यक्तिलाई पार्टी सभापतिले गरेको संरक्षणका कारण नेपाली कांग्रेसको आचरण अशुद्ध रहेको प्रष्ट पारेको हो ।
तर न्यायालयबाट दोषी ठहरिए पनि सिंह अहिलेसम्म पनि जिल्ला सभापति उनै हुन छन्। सर्वोच्चको फैसलापछि सर्लाहीका कांग्रेस कार्यकर्ताहरूले पार्टीको केन्द्रीय नेतृत्वलाई नयाँ जिल्ला सभापति चयनको माग गर्दै बारम्बार ध्यानाकर्षण गराए ।
यहाँसम्म कि सानेपामा धर्नासमेत दिएका थिए तर पार्टी केन्द्रले त्यसको सुनवाई नगरि बिधि पद्धती होइन शक्तिको छाहारीमा ओत लाग्ने सन्देश प्रवाह गरेको छ। सिंह पार्टीको सभापतिमा कायम रहनु अझ सम्मानीत हुनुले नेपाली कांग्रेस गम्भिर नैतीक संकटमा फसेको छ ।
सम्मान कार्यक्रमले कांग्रेसको अनुशासन र आन्तरिक लोकतन्त्रमा गम्भीर प्रश्न उठाएको छ । उसको यो कदमले नेपाली कांग्रेसको प्रजातन्त्र प्रतिको आदर्श र निष्ठा हात्तीको देखाउने दाँत भएको छ ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
तरकारीका थोक कारोवारीलाई वीरगंज महानगरको २१ दिने अल्टिमेटम, व्यवस्थित थोक बजारमा जान निर्देश
वीरगंज । वीरगंज महानगरपालिकाले सडक तथा सार्वजनिक स्थानमा जथाभावी तरकारी तथा फलफूलको थोक बजार सञ्चालन नगर्न निर्देशन दिँदै व्यवसायीलाई २१ दिनभित्र तोकिएको स्थानमा स्थानान्तरण हुन अल्टिमेटम दिएको छ।
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
तपाईको प्रतिक्रिया