नेपाल राष्ट्र बैंकद्धारा इन्भेष्टमेन्ट बैंक पराजित

इसीमाना सम्वाददाता २०७८ मंसिर २८ गते ०६: ०१ मा प्रकाशित 809 पटक पढिएको

वीरगन्जको आदर्शनगर रंगशालामा आयोजना गरिएको अन्तर बैंक सेभन साईड फुटबल टुर्नामेन्टमा नेपाल राष्ट्र बैंकले नेपाल इन्भेष्टमेन्ट बैंकलाई शुन्यको विरुद्ध १ गोलले पराजित गरेको छ ।

नेपाल राष्ट्र बैंक कर्मचारी संघ वीरगन्जले आयोजना गरेको टुर्नामेन्टको पहिलो खेलमा राष्ट्र बैंकका प्रधुन केसीले गोल प्रहार गरेका थिए । इन्भेष्टमेन्टका खेलाडीले १ गोल समेत फर्काउन सकेनन् । टुर्नामेन्टमा राष्ट्र बैंक सहित वीरगन्जका २३ वटा बैंक तथा वित्तीय संस्थाहरुको सहभागीता रहेको छ । टुर्नामेन्ट पुस ३ सम्म खेलिने छ ।

नेपाल राष्ट्र बैंकका डेपुटी गभर्नर बम बहादुर मिश्रको प्रमुख आतिथ्य तथा राष्ट्र बैंक कर्मचारी संघ वीरगन्जका अध्यक्ष्ँ कृष्ण श्रेष्ठको सभापतित्वमा टुर्नामेन्ट मंगलबार विहान उद्धघाटन भएको थियो । राष्ट्र बैंक र इन्भेष्टमेन्ट बैंकबीच भएको उद्धघाटन खेलमा राष्ट्र बैंक एक गोलले बिजयी भएको हो । डेपुटी गर्भनर मिश्रले पूर्ण खेल अवधिसम्म इन्भेष्टमेन्ट विरुद्धको खेलमा खेलेका थिए ।

‘आर्थिक समृद्धिका लागि जनतामा वित्तीय पह“चको विस्तार, खेल मार्फत वित्तीय सचेतना, बैकिङ्ग क्ष्ँेत्रका कर्मचारीहरुको शारीरिक, मानसिक र आपसी सदभावको विकास’ भन्ने मूल नाराका साथ अन्तर बैंक सेभन साईड फुटबल टुर्नामेन्ट २०७८ आयोजना गरिएको नेपाल राष्ट्र बैंक कर्मचारी संघका अध्यक्ष कृष्ण कुमार श्रेष्ठले जनाए ।