मधेश सरकार पूर्नगठनः एमालेका मंत्रीले लिए शपथ, कांग्रेसद्वारा सर्मथन फिर्ता

इसीमाना सम्वाददाता २०८० चैत १० गते ०६: १७ मा प्रकाशित 317 पटक पढिएको

जनकपुरधाम । मधेस प्रदेशका मुख्यमन्त्री सरोजकुमार यादवले मन्त्रीमण्डल विस्तार गरेका छन । शनिबार नेकपा एमालेका थप चार सांसदले मन्त्री र राज्यमन्त्रीको सपथ लिएका हुन् ।

नेकपा एमालेका प्रदेश सांसद राजकुमार लेखीले गृह, सञ्चार तथा कानून, शत्रुधन सिंहले स्वास्थ्य तथा जनसंख्या मन्त्री र एमालेमा प्रवेश गरेका प्रमोद जयसवालले शिक्षा तथा संस्कृति मन्त्रीको रुपमा सपथ लिएका हुन् । जयसवाल पर्साको क्षेत्र नं ३ को (१) बाट स्वतन्त्र रुपमा बिजयी सांसद हुन ।

यस्तै, केशव रायले स्वास्थ्य तथा जनसंख्या राज्य मन्त्रीको रुपमा सपथ लिएका छन ।प्रदेश प्रमुख सुमित्रा सुवेदी भण्डारीले मन्त्रीहरुलाई पद तथा गोपनीयताको सपथ खुवाएकी हुन् ।

यस्तै, मुख्यमन्त्री यादवले राज्यमन्त्री केशव रायलाई पद तथा गोपनीयताको शपथ गराएका हुन् ।नेकपा माओवादी केन्द्रका लागि श्रम तथा यातायात मन्त्रालय मुख्यमन्त्री यादवले राखेका छन् ।

यसैवीच मधेश सरकारबाट काँग्रेसले समर्थन फिर्ता लिएको छ । काँग्रेस संसदीय दलका नेता कृष्ण प्रसाद यादवले आज प्रदेश प्रमुखलाई पत्र पठाउँदै मुख्यमन्त्री नियुक्तिको बेला दिएको समर्थन फिर्ता लिएको जानकारी गराएका छन् ।

केन्द्रमा समिकरण फेरिएपछि गत सोमबार मुख्यमन्त्री सरोजकुमार यादवले काँग्रेसका तीन मन्त्रीलाई बर्खास्त गर्दै एमालेलाई सरकारमा प्रवेश गराएका थिए ।