पटना १५ चैत ।बिहारको राजधानी पटनामा रहेको नालंदा मेडिकल कलेज एवं अस्पतालका कनिष्ठ ८३ चिकित्सकहरुले आफूहरुमा कोरोनाको संक्रमण  हुन सक्ने भन्दै चिन्ता ब्यक्त गरेका छन । 

द हिदूको रिपोर्ट मुताविक उनीहरुले अस्पतालका प्रमुखलाई पत्र लेखेर आफूहरुलाई १५ दिन क्वारेन्टाइनमा राख्न अपिल गरेका छन । उनीहरुले कोरोना भाइरसबाट संक्रमीत हुने भयका कारण यस्तो अपिल गरेका हुन ।

एनएमसीएचलाई बिहारको पहिलो  कोरोनाबाट संक्रमित  हुने रोगीहरुलाई उपचार गर्ने अस्पतालको बनाउने घोषणा गरिएको छ । जुन अस्पताललाई राज्यको प्रमुख कोरोना संक्रमीतहरुको उपचारको अस्पताल घोषणा गरिएको छ त्यसकै चिकित्सकले आफूहरुलाई क्वारेन्टाइनमा राख्न माँग गरेर चुनौती खडा  गरिदिएका छन । 

एनएमसीएचका कनिष्ठ चकित्सकको पत्र अस्पताल प्रमुखले राज्यका स्वास्थ्य सचिव संजक कुमारलाई पठाएका छन । 
खासमा कनिष्ठ चिकित्सकहरुको चिन्ता पर्याप्त सुरक्षा अभावमा हो । अस्पतालमा नीजी सुरक्षात्मक उपकरण (पिपिई) एन (९०) मास्क र पंजा सुरक्षा गाउँनको अभाव रहेको छ । त्यहीका कारण पनि चिकित्सकहरुले चिन्ता ब्यक्त गरेका हुन ।

एनएमसीएचका कनिष्ठ चिकित्सकहरुको संघका अध्यक्ष डा.रवि रंजन कुमार रमन ले सबै खालको सुरक्षा उपकरण मेडिकल किट मास्क बिना आफूहरुले काम गरिरहेको बताउनु भयो ।त्यसै कारणले भाइरस संक्रमण आफूहरुलाई हुने प्रवल सम्भावना रहेको बताउनु भयो । हामी मध्य कतिपय  चिकित्सकमा भाइरसको लक्षण छ तर कसैले हाम्रो कुरा सुनिरहेको छैन डा.रमनले भन्नु भयो ।

अस्पतालमा  सुरक्षा उपकरणहरु छैनन हामी त्यसको प्रतिक्षा गरिरहेका छौ उहाँले भन्नु भयो“प्रतिक्षाको समयमै हामीले उपचार गरिरहेका छौ र आफूहरु मर्ने प्रतिक्षा गरे जस्तो भएको छ । राज्यका स्वास्थ्य सचिवले भिडियो कन्फ्रेन्स मार्फत समस्याको बिषयमा ब्यवस्थापनको प्रयास गरिरहेका छन ।

२३ मार्चाका दिन मुख्यमंत्री नितिश कुमारले चिकित्सक र पारमेडिकल कर्मचारीहरुकोलागि एक महिनाको तलव बराबरको राशी साहायता घोषणा गर्नु भएको छ ।कनिष्ठ चिकित्सकहरुले मुख्यमंत्रीले घोषणा गरेको राहत रकमबाटै उनीहरुकालागि पिपीई किट र मास्क उपलब्ध गराउन पत्रमा उल्लेख गरेका छन ।

देशको यूनाइटेड रेजिडेंट्स एंड डॉक्टर्स एसोसिएशनले  प्रधानमंत्री नरेंद्र मोदीलाई एउटा पत्र लेखेर  को पत्र एनएमसीएचका कनिष्ठ चिकित्सकहरुको मनोदशाप्रति ध्यानाकर्षण गराएको छ ।

 पीपीई किट, एन(९०) मास्क अभावलाई मध्यनजर गर्दै राज्य  सरकारले चिकित्सकहरुलाई एचआईवी प्रोटेक्शन किट प्रयोग गर्न निर्देश गरेको थियो । तर भिकित्सकहरुले  एचआईवी प्रोटेक्शन किटले पूर्ण रुपमा अनुहार नछोप्ने र त्यसमा आँखालाई सुरक्षीत राख्न चश्मा समेत नहुने बताएका छन। बिहारमा अहिले सम्म कोरोना भाइरसबाट ९ जना संक्रमीत देखिएका न भने एक जनाको ज्यान गएको छ ।