Saturday, 3 May 2025, 7:23:20 pm

गठबन्धनको तर्फबाट सिंह र आलम राप्रपाको तर्फबाट गिरी र जयसवालको उम्मेदवारी दर्ता

 इसिमाना सम्वाददाचा     २०७९ बैशाख १२ गते ०५: ४४ मा प्रकाशित     453   पटक पढिएको

पाँच दलीय गठबन्धनको तर्फबाट बीरगंज महानगरपालिकाको प्रमुखमा जनता समाजवादी पार्टीको तर्फबाट राजेशमान सिंह र उपप्रमुखमा नेपाली कांग्रेसका जिल्ला सचिव इम्तियाज आलमले उम्मेदवारी दर्ता गरेका छन ।


लोकतान्त्रिक समाजवादी पार्टीमा रहेका सिंह नेकपा एमालेमा प्रवशेको घोषणा गरेका थिए । तर बीरगंजका मेयर बिजय कुमार सरावगी एमाले प्रवेश गरेपछि भने सिंह झस्कीएका मात्र होइनन बाटो नै परिर्वतन गरे । गएको चैत ८ गते नेकपा एमालेका अध्यक्ष के.पी.ओली बीरगंज आउने कार्यक्रम तय थियो । तर ओली आउनु भन्दा एक दिन अगावै सिंह जनता समाजवादी पार्टीमा प्रवेश गरे ।


गठबन्धनको तर्फबाट मेयर उपमेयरमा मात्र उम्मेदवारी परेको छ । नेपाली कांग्रेसका नेता बिजय कुमार सर्राफले आफनो दलले बीरगंज महानगरका ३२ वटै वडामा उम्मेदवारी दिएको बताए ।


राप्रपाको तर्फबाट पत्रकार गिरीश गिरीले प्रमुखमा र उपप्रमुखमा बिना जयसवालले उम्मेदवारी दर्ता गरेका छन ।

नेकपाको तर्फबाट भने विजय सरावगीले मेयरमा उम्मेदवारी दर्ता गरेका छन् । त्यस्तै वीरगन्जमा एमालेसँग तालमेल गरेको लोकतान्त्रिक समाजवादी पार्टीले पुरुषोत्तम झालाई उपप्रमुखमा उम्मेदवारी दर्ता गराएको छ ।

 

गत स्थानीय चुनावमा सरावगी तत्कालीन संघीय समाजवादी फोरमबाट मेयरमा विजयी भएका थिए । फोरममा असहयोग हुन थालेपछि उनले पार्टी नेतृत्वसंग गुनासो गर्दै आएका थिए । पार्टी अध्यक्ष उपेन्द्र यादवलाई राजीनामा बुझाउन उनी त्यसबेला काठमाडौं पुगेका थिए । असहयोगको क्रम नरोकिएपछि मेयर सरावगी गत फागुन २८ मा एमाले प्रवेश गरेका हुन ।

 

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

सम्बन्धित शीर्षकहरु