तस्विर बाँयाबाटः उपप्रमुख मण्डल निमित्त प्रशासकीय अधिकृत गौरी शंकर मण्डल, लेखापाल राधेश्याम राय
जनकपुरधाम । धनुषाको धनौजी गाउँपालिकाकी वर्तमान उपाध्यक्ष, तत्कालिन अध्यक्ष, अधिकृत, लेखासहित ९ जनामाथि विशेष अदालतमा मुद्दा दायर भएको छ ।
अख्तियारले गाउँपालिकाका तत्कालीन बद्रीनारायण सिंह, उपाध्यक्ष रामवती देवी मण्डल, प्रमुख प्रशासकीय अधिकृतसहित ९ जना र र कन्स्ट्रक्सन प्रालिविरूद्ध सार्वजनिक सम्पत्ति हिनामिना गरेको आरोपमा विशेष अदालतमा मुद्दा दायर गरेको हो ।
आर्थिक वर्ष २०७७/०७८ र २०७८/०७९ मा “बजार नाला तथा फोहरमैला व्यवस्थापन” शीर्षकअन्तर्गत क्रमशः ५० लाख र ४२ लाख रुपैयाँ विनियोजन गरिएपनि योजना संशोधन गरेर गुणस्तरहीन बजार सेड निर्माण गरी रकम हिनामिना गरिएको उजुरीका आधारमा अनुसन्धान अघि बढेको हो।
वर्तमान उपाध्यक्ष रामवति देवी मण्डल, तत्कालिन अध्यक्ष बद्री नारायण सिँह, निमित्त प्रमुख प्रशासकीय अधिकृत गौरी शंकर मण्डल, लेखापाल राधेश्याम राय, तत्कालिन अधिकृत सावन चौधरी, ईन्जीनियर छोटे मण्डल, योजना शाखाका नरेश कुमार मण्डल, तत्कालिन सहलेखापाल विनोद कुमार मण्डल, कन्सट्रक्सनका सँचालक ईन्द्रेश कुमार सिँहविरुद्ध मुद्दा दायर भएको हो ।
विशेष अदालतमा मुद्दा दायर भएपछि उनीहरुको पद स्वतः निलम्बनमा परेको छ ।
तपाईको प्रतिक्रिया