विपत जोखिम न्यूनिकरणमा जनप्रतिनिधि उदासिन
वीरगन्ज, ७ पुस । बालबालिका केन्द्रीत विपद जोखिम न्यूनिकरणको बारेमा स्थानीय तहका नवनिर्वाचित जनप्रतिनिधिहरु उदाशिन देखिएका छन् ।
बालबालिका केन्द्रीत विपद जोखिम न्यूनिकरणमा तयार पारिने योजना सम्बन्धी छलफलका लागि नेपाल रेडक्रस सोसाईटी पर्साले शुक्रबार बोलाएको कार्यक्रममा अधिकांश जनप्रतिनिधिहरु अनुपस्थित रहेका थिए । पर्साको तीन वटा स्थानीय तहको चार वटा वडामा नमूना स्वरुप कार्यक्रम संचालन गर्नका लागि आवश्यक तयारी र योजना निर्माणका लागि बोलाईएका जनप्रतिनिधिहरु अधिकांश अनुपस्थित रहेका हुन् ।
युनिसेफ नेपालको सहयोगमा नेपाल रेडक्रस सोसाईटी पर्साको आयोजनामा रेडक्रस पर्सामा भएको कार्यक्रममा जनप्रतिनिधिहरु अनुपस्थित भएपछि प्रमुख अतिथि पर्साका प्रमुख जिल्ला अधिकारी विनोद प्रकाश सिंहले विपद जोखिम न्यूनिकरणमा स्थानीय जनप्रतिनिधिहरुको अनुपस्थिति प्रति असन्तुष्टी व्यक्त गरे ।
उनले विपद जोखिम न्यूनिकरणका लागि जनप्रतिनिधिहरुको भूमिका महत्वपूर्ण हुने भएपनि कार्यक्रमको तयारीका लागि नै अनुपस्थित भएपछि असन्तुष्टी व्यक्त गरेका हुन् । उनले विभिन्न समयमा आउने दैवी प्रकोपबाट आईपर्ने विपद जोखिममा सबैभन्दा बढी बालबालिका, महिला, अपांग र वृद्धवृद्धाहरु नै पर्ने भएकोले यस्तो जोखिम न्यूनिकरणका लागि नवनिर्वाचित जनप्रतिनिधिहरुले गम्भीर भएर योजना तर्जुमा गरी जानुपर्ने बताए ।
उनले भने, “यसअघि राजनीतिक नारा र भाषणमा मात्रै सीमित रहेकोमा अब जनप्रतिनिधि निर्वाचित भएका छन्, उनीहरुले काम गरेर देखाउने बेला आएको छ ।” योजना तयारीका लागि बोलाईएको छलफलमा नै अनुपस्थित हुनुले बालबालिका केन्द्रीत विपद जोखिम न्यूनिकरणको सवालमा जनप्रतिनिधि गम्भीर नदेखिएको प्रजिअ सिंहले बताए ।
राजनीतिक नारा र भोटका लागि गरिने भावनात्मक भाषणले मात्रै नहुने भन्दै अब जनतालाई काम गरेर देखाउने समय आएको बताए । नेपाल रेडक्रस सोसाईटी पर्साका शाखाका सभापति फूल महम्मद मियाँको अध्यक्षतामा भएको कार्यक्रममा स्वागत तथा कार्यक्रमको बारेमा कार्यक्रमका संयोजक उमेश मिश्रले प्रकाश पारेका थिए ।
रेडक्रस पर्साका प्रशासकीय अधिकृत उदयराज शर्माले संचालन गरेको उदघाटन कार्यक्रममा नेपाल पत्रकार महासंघ पर्साका पूर्व अध्यक्ष शत्रुधन नेपाल, कार्यक्रम संचालन हुने स्थानीय तहहरु जगरनाथपुर गाउँपालिकाको वडा नम्बर १ पिडारी, पर्सागढी नगरपालिकाको वडा नम्बर ८ र ९ र विन्दवासिनी गाउँपालिकाको वडा नम्बर ३ को झौवागुठीका सचिव र जनप्रतिनिधि तथा रेडक्रस पर्सा शाखाका पदाधिकारीहरुको पनि उपस्थिति रहेको रेडक्रस पर्साका कार्यालय सहायक राजन श्रीवास्तवले जानकारी दिए ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
घटस्थापनासँगै बडादशैँ सुरु, घरघरमा जमरा राखियो
वीरगञ्ज । नेपालीहरूको महान् पर्व बडादशैँ आज घटस्थापनासँगै सुरु भएको छ। आश्विन शुक्ल प्रतिपदाका दिन मनाइने घटस्थापनाको अवसरमा देशभरका घरघरमा विधिपूर्वक पूजा–आराधना गरी जमरा राखिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
तपाईको प्रतिक्रिया