पक्राउ परेका तीम मध्य एकलाई उन्मुक्ति ,प्रहरीको काम शंकाको घेरामा

12/26/2017 गते 00 00 मा प्रकाशित 1298 पटक पढिएको

बीरगंज ११ पौष ।
प्रहरीले बहुद्रामाई नगरपालिकाको बिश्रामपुरबाट गाँजा सहित तीनजनालाई नियन्त्रणमा लिएको छ । गाँजा चरेशको काम हुदैछ भन्ने गोप्य सूचना पाएको आधारमा जिल्ला प्रहरी कार्यालय पर्साको टोलीले छापामारी गरेर उनीहरुलाई पक्राउ गरेको पर्साका प्रहरी प्रवक्ता राजन लिम्बुले बताए ।

प्रहरीले बिश्रामपुरका प्रेम कलवार,गम्भिरा साह कलवार र परमा कलवारलाई पक्राउ गरेको हो । उनहीरुको घरबाट प्रहरीले ४८ किलो गाँजा समेत बरामद गरेको प्रहरी प्रवक्ता डिएसपी लिम्बुले बताए ।

प्रहरीले दशी सहित तीन जनालाई पक्राउ गरे पनि एक जनालाई भने छोड्ने तयारी गरेको छ । प्रहरीले गम्भिरालाई छोडने भएको हो । तीन जना मध्य दुई जनाका बिरुद्ध म्याद थप गरिने प्रवक्ता लिम्बुले बताए ।

राजनीतिक क्षेत्रका ब्यक्तिहरुको सिफारिशमा आर्थिक नजराको कारण गम्भिरालाई छोडने काम भएको स्रोतको दावी छ । तर प्रहरी प्रवक्ता लिम्बु भने बुझ्ने क्रममा गम्भिरालाई ल्याएको दावी गरे । उनले अन्यपनि शंकास्पद ब्यक्तिहरुको नाम खुलेको छ मोवाइल नम्बरहरु खुलेका छन उनीहरुलाई पनि झिकाएर सोधपुछ गरिने बताए ।

एउटै सूचनाको आधारमा एउटै घरमा प्रहरीले गरेको छापामारीमा दशी सहित पक्राउ परेका ब्यक्ति मध्य एकजनाले उन्मुक्ति पाउने अन्य दुई जना बिरुद्ध मुद्धा चल्ने बिषयलाई नागरिक समाजले शंकाको नजरले हेरेको छ । प्रहरी समेतले यो प्रश्नको चित्त बुझ्दो जवाफ भने दिन सकेको छैन ।