लायन्सद्वारा क्यान्सर पीडितलाई एकलाख सहयोग हस्तान्तरण

3/29/2018 गते 00 00 मा प्रकाशित 925 पटक पढिएको

वीरगंज, १५ चैत्र ।
क्यान्सर रोगबाट संक्रमित एक बालिकाको उपचारमा सहयोग स्वरूप लायन्स क्लवले एक लाख रुपैयाँ प्रदान गरेको छ ।

सेवा नै धर्म हो भन्ने लायन्सको उक्तिलाई चरितार्थ गर्दै महिलाहरूको संस्था लायन्स क्लव वीरगंज गोल्डन स्पैरो वीरगंज गोल्डन स्पैरोका युवा अध्यक्ष आरती विकास चौधरीले निकटवर्ती संस्था नेपाल ओरिक हिलिंग तथा विभिन्न श्रोतबाट संकलन गरी एक लाखको नगद हस्तान्तरण गरिएको हो ।

दुई वर्ष देखि ब्लड कैंसर पीड़ित वीरगंज निवासी बालिका श्रेया पटेललाई सहयोग राशी प्रदान गरिएको लायन्स क्लवका एम्बेसडर अफ गवर्नर उमेश साह कानुले बताए।

लायनका अन्तर्राष्ट्रिय व्यक्तित्व तथा नेपाल लायन्स समुदायका प्रेरणाका श्रोत इंजिनियर संजय खेतानले चंडीगढ़ उपचरार्थ भर्ना भएकी बालिकाका पिता बलिराम प्रसादलाई सो चेक प्रदान गरेका हुन ।

चेक हस्तान्तरण गर्दै लायन्सका पूर्व अन्तराष्ट्रीय गर्वनर खेतानले मानव सेवा र लायन्स एक अर्काका पूरक रहेको चर्चा गर्दै मानवीय सेवामा लायन्सको यो खाले भूमिका सदा सर्वदा रहीरहने बताए ।

समाहरोहमा एम्बेसडर अफ गवर्नर उमेश साह कानु, सक्रिय युवा बचत संस्थाका अध्यक्ष पीयूष कादमिया, लायन्स ग्रीनका अध्यक्ष रिकेश साह, लायन्स राइजिंगका रवी सर्राफ, लायन्स स्वता गोयन्का, पुरुषोत्तम गुप्ता लगायतले सरहानीय काम गरेकोमा प्रशंसा गरेका थिए ।