आदिवासी जनजाति पत्रकार महासंघ (फोनिज) पर्साको अधिवेशन सम्पन्न

4/3/2018 गते 00 00 मा प्रकाशित 1677 पटक पढिएको

वीरगन्ज, २० चैत्र ।
नेपाल आदिवासी जनजाति पत्रकार महासंघ फोनिज पर्साको अध्यक्षमा दिलिप प्रधान सर्वसम्मत चयन भएका छन् ।

मंगलबार सम्पन्न दोस्रो जिल्ला अधिबेशनले प्रधानको अध्यक्षतामा १३ सदस्यीय कार्यसमिति सर्वसम्मत चयन गरेको हो । समितिको उपाध्यक्षमा अजित भुजेल, सचिवमा शेखर चौधरी, सहसचिवमा राम मण्डल र कोषाध्यक्षमा मुनेस लायो मगर चयन भएका छन् ।

यसगरि सदस्यहरुमा प्रकाश थारु, नन्द किशोर पन्जियार, कल्याण बहादुर हाडा, गोपीलाल श्रेष्ठ, सँगम श्रेष्ठ, मेघराज राय, सुबास आले मगर, समिना रञ्जितकारलाइ चयन गरिएको छ । अधिवेशनले चैत २३ र २४ गते काठमाडौंमा हुने फोनिजको केन्द्रीय महाधिवेशन प्रतिनिधि तथा संघीय प्रतिनिधिमा पत्रकार निरज पिठाकोटे मगर, ओमप्रकाश चौधरी, प्रेम लामा र उदय दास थारुलाई चयन गरेको छ ।

यसैगरि अधिवेशनबाट प्रादेशिक प्रतिनिधिमा पत्रकार जगत राई, दिपेश श्रेष्ठ र रशमीराज भण्डारीलाई चयन भएका छन् । निवर्तमान जिल्ला अध्यक्ष दिलिप प्रधानकोे अध्यक्षतामा सम्पन्न भएको अधिबेशनको प्रमुख अतिथि आदिबासी जनजाती महासंघ जिल्ला समन्वय समिति पर्साका अध्यक्ष कमल बहादुर पिठाकोटे मगरले उदघाटन गरेका थिए ।

कार्यक्रममा आदिबासी जनजाति जिल्ला समन्वय समिति पर्साका उपाध्यक्ष किरण डँगोल, प्याब्सन पर्साका अध्यक्ष छेडुप लामा, फोनिज पर्साका सल्लाहकार प्रेम लामा, थारु कल्याणकारी पर्साका कार्यबाहक अध्यक्ष नन्द किशोर पन्जियार, समाजिक अभियन्ता प्रकाश थारु लगायतले शुभकामना मन्तव्य व्यक्त गरेका थिए । स्वागत मन्तव्य निवर्तमान उपाध्यक्ष जगत राईले गरेका थिए ।