बीरगंज २० चैत । बीरगंज महानगरपालिका वडा नं ८ दुर्गाटोल निवासी १३ वर्षीय श्रेया पटेलको उपचारकालागि युवा बाचन संस्थाले सहयोग जुटाइरहेको छ ।
क्यान्सर रोगको उपचारकोलागि अस्पतालमा भर्ना भएकी पटेलको उपचारकोलागि युवा वचन संस्थाले विभिन्न व्यक्ति र संस्थाबाट संकलन गरेको आर्थिक सहयोग मंगलवार हस्तान्तरण गरेको छ ।
युवा वचन संस्थाले गएको तीन हफ्ता देखि संकलन गरेको १ लाख ५२ हजार १ सय रुपैया मंगलबार एक कार्यक्रम गरि श्रेया पटेलको बुवा बलिराम प्रसाद कुर्मीलाइ हस्तान्तरण गरेको हो ।
जस मध्य लायन्स क्लब बीरगंज गोल्डेन इस्पर्रोवको पहलमा काठमाडौँ औरिक हीलिंग नेपालले १ लाख , नेपाल को कादमिया परिवार ले ११ हजार, काठमाडौँ को ग्रोउप चेंजेज़ ले १० हजार सहयोग गरेको युवा वचन संस्था का अध्यक्ष पियुष कादमियाले बताए ।
उपचारकोलागि भर्ना भएकी श्रेयालाई सहयोगको आवश्यकता रहेकोले सहयोग गर्न चाहने ब्यक्ति वा संस्थालाई सहयोग गर्न हुन अध्यक्ष कादमियाले आग्रह समेत गरेका छन् ।
मंगलबारको हस्तान्तरण कार्यक्रममा संस्था को सह अध्यक्ष रोहित शर्मा, कोषाध्यक्ष आयुष बानिया,सहयोगी रबिन प्रधान र आदित्य जलान लगायतको उपस्थिति रहेको थियो ।
तपाईको प्रतिक्रिया