निगरानी समुहले बृहत भर्ना अभियान संचालन गर्ने

4/17/2018 गते 00 00 मा प्रकाशित 1115 पटक पढिएको

बीरगंज ४ बैशाख ।
पटेर्वा सुगौलीको वडा नं २ गादीमा बिद्यार्थी भर्नाकालागि बृहत अभियान संचालन गरिने भएको छ ।

वडा नं २ को कार्यालयमा मंगलवार आयोजना गरिएको बिद्यार्थी भर्ना तथा गुणस्तरीय शिक्षाकालागि सरोकारवालाको अन्तरक्रिया कार्यक्रममा अभियान संचालन गर्ने निर्णय गरिएको हो ।

वडाध्यक्ष एवं मानव अधिकार निगरानी समुह गादीका अध्यक्ष बिजय गैरेको अध्यक्षतामा भएको कार्यक्रममा बैशाख ७ गते बृहत ¥याली प्रर्दशन गर्ने निर्णय गरेको छ ।

¥यालीमा वडा नं २ गादी भित्र रहेका सबै बिद्यालयका प्रधानाध्यापक सहित शिक्षक शिक्षीकाहरु,बिद्यालय ब्यवस्थापन समितिका सबै पदाधिकारी सदस्यहरु ,मानव अधिकार निगरानी समुहका पदाधिकारी तथा सदस्यहरु वडाका सबै जनप्रतिनिधिहरुको सहभागिता रहने निर्णय भएको छ ।

गादीमा एउटा माध्यामिक बिद्यालय तीन वटा आधारभूत प्रथामिक बिद्यालय र तीन वटा प्रथामिक बिद्यालय रहेका छन । सबै बिद्यालयमा करिव १ हजार ५ सय बिद्यार्थीहरु अध्ययनरत रहेका छन ।

गादीको रंगपुरमा संचालीत दुईवटा नीजि बिद्यालयमा ६ सय बिद्यार्थी अध्ययनरत रहेका छन । यस पटक बिद्यालय भन्दा बाहिर रहेका वालवालिकालाई बिद्यालयमा भर्ना गराउने अभियानलाई सफल पार्दै सत प्रतिशत वालवालिकालाई बिद्यालयको पहुचमा पु¥याउने योजना रहेको समुहका अध्यक्ष तथा वडाध्यक्ष बिजय गैरेले बताए ।

अन्तरक्रिया कार्यक्रममा प्रधानाध्यापकहरु भोजराज गौतम महेन्द्र चौधरी,द्वारिका उपाध्याय,निरमाया आले,चन्द्रकला गौरो ,इन्दिरा दाहाल रामनारायण साह गोढ बिद्यालय ब्यवस्थापन समितिका बीरेन्द्र चौधरी रंगपुर चौकीका प्रमुख प्रहरी सहायक नीरिक्षक बलीराम साह,वडा सदस्यहरु राजकपुर गौरो गाउँकार्यपालिका सदस्य कलही देवी मुसहर वडा सचिव देवीचरण न्यौपाने लगायतको सहभागिता रहेको थियो ।

कार्यक्रमा गुणस्तरीय शिक्षाकोलागि वडा कार्यालयको तर्फबाट बिद्यालयलाई चाहिने आवश्यक स्रोत उपलब्ध गराइने तर परिणाम राम्रो चाहिने बिषयमा वडाध्यक्ष गैरेले सबैको ध्यानाकर्षण गराएका थिए । प्रधानाध्यापकहरुले पनि आफूहरु परिणाम दिने गरि ब्यपस्थापन गर्न तयार रहेको जनाउ दिएका थिए ।