सिपमुलक गुडिया बनाउने तालीममा ठोरीका महिलाहरू आकर्षित
बीरगंज १७ जेठ । सिपमुलक गुडिया तथा कुसन बनाउने तालिममा ठोरी गाउँपालिकाका महिलाहरू आकर्षित हुन थालेका छन् ।सिमा क्षेत्र विकास कार्यक्रम अन्तर्गत ठोरी गापाले १ न देखि ४ न वडासम्मका महिलाहरूको लागि सन्चालन गरिरहेको २० दिने गुडिया तथा कुसन बनाउने तालिममा उल्लेख्य महिला सहभागी भएसंगै त्यसक्षेत्रका महिलाहरूमा सिपमुलक तालिमप्रति आकर्षण बढेको हो।
ठोरी गापा अन्तर्गत पर्ने भारतसँग सिमाना जोडिएको साबिकको निर्मलबस्ती र ठोरी गाबिसमामात्र सिमा क्षेत्र विकास कार्यक्रम लागू छ।
महिलाहरुलाई स्वरोजगार बनाई आयआर्जन गर्न र महिला सशक्तीकरणका लागि सिपमुलक तालिमको व्यवस्था गरिएको ठोरी गापाका अध्यक्ष पि.एल.श्रेष्ठले बताए।यसबर्ष समय अभावका कारण महिला सशक्तीकरणका लागि धेरै कार्यक्रमहरु गर्न नसकिएकाले आगामी आर्थिक बर्षमा बिपन्न वर्ग,युवा , महिला,दलित र समाजमा पछि पारिएकाहरुका लागि विभिन्न स्वरोजगारमुलक तालिमहरु सन्चालन गरिने समेत अध्यक्ष श्रेष्ठले बताए ।
आफ्नो ध्यान सधैं समाजमा पछि पारिएका बर्गको उत्थानमा हुने बताउँदै उनले तालिममा सिकेका कुरालाई व्यवहारमा उतारेर स्वालम्बी बन्न सबै महिलाहरूसंग आग्रह गरे।
पर्सा सामुदायिक केन्द्रले गत जेठ ८ गतेदेखि ४ ओटै वडाको वडा कार्यालयहरुमा सो तालिम संचालन गरिरहेको छ।२० दिनको तालिम अबधिमा पहिलो दस दिन गुडिया र दोस्रो दस दिन कुसन निर्माण गर्न सिकाइने तालिम प्रदायक सामुदायिक केन्द्रका अध्यक्ष प्रभात मिश्रले जानकारी दिए।उनका अनुसार सबै वडामा फरकफरक मितिमा तालिम सुरु गरिएकाले असारको दोस्रो साता मात्र तालिम सम्पन्न हुनेछ ।
तालिमपश्चात आयआर्जनको राम्रो माध्यम गुडिया र कुसन बन्न सक्ने बताउँदै केन्द्रका अध्यक्ष मिश्रले भारतसंग सिमाना जोडिएका चार ओटै वडाका गरि दुई सय जना भन्दा बढी महिलाहरु तालिममा सहभागी रहेको जानकारी दिए।
सिमा क्षेत्र विकास कार्यक्रम अन्तर्गत गापाले चालू आर्थिक बर्ष २०७४ ७५ मा रु १० लाख ६१ हजार बजेट सो तालीमका लागि छुट्टाएको छ।
सम्बन्धित शीर्षकहरु
सीमापारी/अन्तराष्ट्रिय
प्रवासी नेपाली मञ्च क्यानडाको अध्यक्षमा रमेश धिताल चयन
प्रवासी नेपाली मञ्च क्यानडाको अध्यक्षमा रमेश धिताल सहितको कार्यसमिति सर्वसम्मत चयन भएका छन ।
अभियन्ता चौधरीलाई ‘ग्लोबल एन्टी रेसिजम च्याम्पेनसिप अवार्ड’
वाशिङ्गटन डिसी । नेपालकी सामाजिक अभियन्ता उर्मिला चौधरीे ग्लोबल एन्टी रेसिजम च्याम्पेनसिप अवार्डद्वारा सम्मानित भएकी छिन ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
क्याम्पस प्रमुख कुशवाहाको हत्याका मुख्य अरोपीलाई बारा प्रहरीले गर्यो सार्वजनीक
कलैया । बाराको रामराजा बहुमुखी क्याम्पसका प्रमुख हरिभूषण कुशवाहाको हत्यामा संलग्न रहेको आरोपमा प्रहरीले सुरेन्द्र कुशवाहालाई पक्राउ गरेको छ ।
खेलकुद
क्रिकेटर प्रविण र एसईईमा सर्वोत्कृष्ट नतिजा ल्याउने साह वीरगंज महानगरद्वारा सम्मानित
वीरगंज । नेपाली महिला टोलीलाई विश्वकप क्रिकेटसम्मको यात्रामा योगदान पु¥याउने वीरगंजकी क्रिकेट खेलाडी साना प्रविण र यस वर्षको एसईई परीक्षामा पर्सा जिल्ला प्रथम भएकी रिया साहलाई वीरगंज महानगरपालिकाले आइतबार एक कार्यक्रमकाबीच सम्मान गरेको छ ।
तपाईको प्रतिक्रिया