वीरगन्ज २९ माघ ।
नेपालमै पहिलो पटक  हुन लागेको अश्वमेध गायत्री महायज्ञ सफल बनाउन तिव्ररुपमा तयारी भईरहेको छ । यही फाल्गुन १९ गते २२ देखि सम्म वीरगन्जको आदर्शनगरमा हुन गईरहेको महायज्ञको तयारीमा महानगरवासीको सहभागिता बढदो छ  ।  

महायज्ञ सफल बनाउन स्थानीयले समय दान, अंश दान र साधना दानको माध्यमले योगदान गरेका छन । महायज्ञ अघि वीरगन्जमा कलश यात्रा भव्य रुपमा निकाल्न स्थानीय जनप्रतिनिधि समेत लागि परेका छन । 

कलश यात्रा गर्न गठित व्यवस्थापन समितिले मंगलबार वीरगन्ज उद्योग वाणिज्य संघको सभाहलमा आयोजना गरेको जनप्रतिनिधिको भेलामा वडाअध्यक्षहरुले महायज्ञ सफल बनाउन आफनो स्तरबाट कुनै कसर बाकी नराख्ने बताए । 

भेलामा वडा नम्बर ४ का वडा अध्यक्ष जगत साह कानुले महायज्ञ  जिल्लाको मात्र नभई समग्र मुलुकै समृद्धिको लागि भएकोले  सफल बनाउन वडावासीले सहयोग गर्ने प्रतिबद्धता जनाए । 

भेलामा वडा नम्बर ५ का वडा अध्यक्ष प्रदीप चौरसियाले महायज्ञ सफल बनाउन आफनो वडामा रहेको विभिन्न संघ सस्थाको सहकार्यमा व्यापाक प्रचार प्रसार गरी जागरुकता फैलाउने बताए । उनले आफनो श्रोत र साधनको सदुपयोग गरी महायज्ञमा वडाबाट उल्लेखनिय सहभगिता गराउने समेत बताए । 

वडा नम्बर २, ३, १३, १४ लगायत ३२ वडाका वडाअध्यक्षहरु  शेख अब्बास, बैजु स्वर्णकार, तुफान अंसारी, भरत महतो लगायतकाले महायज्ञ सफल बनाउन आपनै श्रोतबाट स्थानीयहरुलाई व्यापक रुपमा कलश यात्रामा सहभागिता जनाउने जनाएका हुन । कार्यक्रममा समितिका संयोजक भोला प्रसाद कलवारले महायज्ञ शुरु हुने दिन विहान ८ बजेदेखि वीरगन्जको घण्टाघर चोकबाट कलश यात्रा निकालिने जनाए । 

करिब ६ हजारको सहभागितामा निकालिने कलश यात्रा माईस्थान, आर्दशनगर, अलखिया मठ, कैलाश चौक हुदै आर्दशनगर रगंशालामा आयोजना हुने महायज्ञ स्थलमा पुगि कलश स्थापना गरिने बताए । 

उनले वास वस्न ठाकुराम क्याम्पसका दुबै छात्रावास र घण्टाघर नजिकै रहेको खाली जग्गा गरी ४ लाख ५० हजार स्क्वायर फिटको टेन्ट बनाउने काम भईरहेको बताए ।

सुरक्षाको दृष्टीकोणले पर्साको सुरक्षा सहित थप १ हजार सुरक्षार्कीहरुलाई बाहिरबाट झिकाउने काम भईरहेको छ, त्यसैगरी टाउनहल नजिकै रहेको बालमन्दिरमा पनि दैनिक ५० हजार श्रद्धालुहरुको लागि खाना खाने व्यवस्था मिलाईएको छ भने अन्य नगरको विभिन्न १० ठाउँमा थप भण्डारा संचालन गरिने छ, १५० भन्दा बढी शौचालय पनि निर्माण भईरहेको छ, महानगरको सरसफाईलाई पनि ध्यानमा राखी महानगरको सफाई कर्मचारी सहित निजि सस्थालाई पनि सरसफाईमा जुट्न पहल गरिने महानगरप्रमुख बिजय सरावगीले बताए । त्यसैगरी २१ गते महायज्ञ स्थलमा २४ हजार दिप बाल्ने  मेयर सरावगीले हरेक घर घरमा कम्तिमा ५ वटा दिप बाल्न नगरवासीमा अपिल समेत गरे  भेलामा शक्ति पिठ नेपालका प्रभारी वोयेन्द्र सिंहले वीरगन्जमा वैज्ञानिक ढंगले हुन गईरहेको महायज्ञबाट जल, थल, वायु, आकाश, महाभुतहरुको शुद्धिकरण हुने बताए ।

मनुष्यमा हुने शारिरीक, मानसिक रोगव्याधिको उपचार गर्न सक्ने प्रभावकारी माध्यमपनि हो उनले भने, यज्ञबाट एउटा सात्विक वातावरण तयार हुन्छ, यसले गर्दा मानिसको आध्यात्मिक विकासमा अत्यन्त लाभदायि हुने छ । 
ब्रहमावादणी टोलीका श्यामा राठोरले एउटै विचार र लक्ष्य लिएर महिलाहरु संगठीत भई अगाडी बढे महायज्ञ सफल हुने बताए ।

सामुहिक रुपमा जन जागरण गरेर निदाएर बसेका प्रतिभालाई जगाउन र जागृत प्रतिभालाई सभ्यता संस्कृतिको उत्थानमा नियोजन गर्नका लागि अश्वमेध एउटा सशक्त माध्यम पनि रहेकोले यसलाई सफल बनाउन महिलाहरुलाई उल्लेखनिय सहभागिता जनाउन अपिल समेत उनले गरे । समितिका संयोजक कलवारको अध्यक्षतामा सम्पन्न भेलाममा महानगरका उप मेयर शान्ति कार्की, शक्ति पीठ वीरगन्जका कार्यकर्ता, विभिन्न वडाका वडा अध्यक्ष, वडा सदस्यहरु लगायतको सभागिता रहेको थियो ।