वीरगन्ज १४ फागुन  ।
वीरगन्जमा हुन गईरहेको अश्वमेध गायत्री महायज्ञको तयारीमा स्थानीय समेत जुट्न थालेका छन । आर्दशनगर स्थित रगंशालामा आयोजना हुने गायत्री महायज्ञको तयारीमा स्थानीय महिला, पुरुष, युवा, युवती तथा बालबालिका समेत श्रमदानमा जुटेका हुन । 

महायज्ञको लागि २ सय ५१ कुण्ड निर्माणमा स्थानीयले श्रमदान गरीरहेका छन । महिलाहरु भजनपाठ गर्दै माटो मुछिरहेका छन भने, युवा युवतीहरु कुण्ड निर्माण गर्न बनाईएको फ्रेममा माटो थुपारी रहेका छन, केहि बालबालिका समेत माटो ओसार्ने काम गरीरहेको यज्ञ स्थलमा देख्न पाइन्छ।

यज्ञमा सहभागी हुन भारत तथा नेपालको विभिन्न शहरबाट आएका सयौ पाहुनाहरु समेत यज्ञ कुण्ड निर्माणमा हातेमालो गर्दैछन ।  कुण्ड निर्माण अन्तिम चरणमा पुगेको छ, गायत्री शक्ती पीठ वीरगन्जका कार्यकर्ता धर्मेन्द्र गुप्ताले भने, आज राती सम्म कुण्ड निर्माणको कार्य पुरा गर्ने छौ, भोली देखि रगंरोहन मात्र गर्ने काम हुन्छ । 

अश्वमेधको महाप्रयोगबाट मानिएको यज्ञउर्जा प्रष्फुटित हुन्छ त्यसमा सर्वत्र सद्गुण, सद्भाव, सद्विचार, सत्कार्य र समताभावको स्वप्रेरणा मिल्छ र आजको नेपाल राष्ट्रलार्य यिनै विशेषणहरुको ज्वलन्त आवश्यकता छ त्यसैले हामी श्रमदान गरी देशका निम्ती पनि महायज्ञ सफल बनाउन उत्साहपूर्वक लागेको स्थानियको भनाई छ । 

समग्र समृद्धि, स्थायी शान्ति र अखण्ड पहिचान आज नेपाल आमाले खोजिरहेकी छिन, यस परिवेशमा अश्वमेध एक शक्तिशाली सेतु बन्द संकेत देखिएको महायज्ञमा सहभागि हुन आएका काठमाण्डौका कलम पौडेलले बताए ।

यज्ञ स्थलको कार्य अन्तिम चरणमा पुगि सेकेको छ, पण्डाल निर्माणको काम लगभग पुरा भईसकेको १६ गते भित्र पुरा तयारी अवस्थामा आयोजक समितीलाई जिम्मा लगाईने छ, पण्डालका जिम्मा लिएका जगदीश सेण्ड सर्भिस सेन्टरका संचालक जगदीश साहले बताए । 

पण्डाल भित्र अहिले बिजुलीको काम, सिसि टिभी जडानको कामको प्रकृया अगाडी बढाईएको छ । करिब ६ लाखको हाराहारीमा सहभागि हुन आउनेको सुरक्षाको निम्ती जि फोर्स सेक्युरिटी कम्पनीले पण्डाल भित्र ४० भन्दा बढी सिसि क्यामरा जडान गर्ने तयारी गरीरहेको छ । 

सेक्युरिटी कम्पनीका क्षेत्रिय प्रबन्धक प्रदीप कडेलका अनुसार हाई क्वालिटीको क्यामरा जडान सहित प्रविधियुक्त सफटवेयर जडान गरिने बताए । महायज्ञ स्थलमा प्रवेश गरिने महिला पुरुष छुट्टाछुट्टै पहिचान गरी, आफै गन्ती गर्ने प्रविधि युक्त सफटवेयर जडान गर्न लागिएको हो क्षेत्रीय प्रबन्धक कडेलले भने सुरक्षाको दृष्टीले अत्यन्तै प्रभावकारी युक्त हुने यो सफटवेयर नेपालमा पहिलो पल्ट जडान हुन लागेको बताए । 

उनले भने, अहिले सम्म यस्तो क्यामरा नेपालको कुनैपनि ठाउँमा जडान भएको छैन, यो सफटवेयर वीरगन्जमा पल्ट जडान गरेर यसको सुरुवात भईरहेको छ, विश्वास छ अत्यन्तै प्रभावकारी सुरक्षा प्रदान गर्ने छ । अत्याधुनिक सफटवेयर युक्त जडान क्यामराले पण्डाल भित्र हुने हरेक गतिविधिलाई कैद गर्न सक्छ र यसलाई  मोनिटरिङ्ग गर्ने रुमबाट कन्ट्रोल पनि गर्न सक्ने उनले बताए ।