सुपौली २२ फागुन । इलाका प्रशासन कार्यालय सुपौलीमा तोडफोड गरेको आरोपमा प्रहरीले जिराभवानी गाउँपालिका वडा ५ का २२ वर्षिय अजय महतो र १८ वर्षिय शिवशंकर महतोलाई फागुण २२ गते गिरफ्तार गरेको छ ।
पर्साको जिराभवानी गाउपालिकाको सुपौलीमा रहेको ईलाका प्रशासन कर्यालयले सेवाग्राहीलाई सेवा नदिएको भन्दै उनीहरुले कार्यालयमा हुलहुज्जत गर्नुका साथै कार्यालयको साइवबोर्ड तोडफोड गरेका थिए ।
दुबैजना लाई आवश्यक कार्यवाहीको लागि जिल्ला प्रहरी कार्यालय पर्सामा पठाइएको ईलाका प्रहरी कार्यालय पटेर्वा सुगौलीका प्रहरी निरीक्षक दिपक चोरवारले जानकारी दिनुभयो ।
इलाका प्शासन कार्यालयमा कर्मचारी समायोजनको नाममा भएको सरुवा पछि शाखा अधिकृत सहितको जनशक्ती नहुदा सेवाग्रहरीको काम समयमा हुन सकेको छैन ।
इलाका प्रशासन कार्यालय सुपौलीमा विगत १ महिना देखी कर्मचारी अभाव रहेको छ । कर्मचारी नहुदा सेवाग्राहीलाई समस्या भएको स्थानियले बताएका छन ।
इलाका प्रशासन अन्तर्गत ठोरी , जिराभवानी , जगरनाथपुर र पटेर्वा सुगौली गाउपालिकावासीको नागरिकता , शान्ति सुरक्षा लगायतका प्रशासनिक सेवा प्रदान हुदै आएको हो ।
तपाईको प्रतिक्रिया