वीरगन्ज, १७ जेठ । आज (शनिबार) बिहान हावाहुरी र पानीसँगै परेको चट्यां लागेर पर्सामा एकजनाको मृत्यु भएको छ । एकजना घाईत भएका छन् । मृत्यु हुनेमा पर्साको पर्सागढी नगरपालिका वडा नम्बर ५ बहुअर्वा टोलका ४२ बर्षीय रामबाबु महतो नुनिया रहेका छन् ।
हावाहुरी आएपछि घरको पश्चिमतर्फको बगैंचामा आँप टिप्न गएका रामबाबुको चट्यांग लागेर घटनास्थलमै मृत्यु भएको इलाका प्रहरी कार्यालय एकटांगाले जनाएको छ । चट्यांग लागेर एकजना घाईते भएका छन् घाईतेको नाम भने खुल्न सकेको छ । उनी स्थानीय स्वास्थ्य संस्थामा उपचारपछि निको भएर घर फर्किएका छन् ।
मृतक रामबाबुको शव मुचुल्का तयार गरी पोष्टमार्टमका लागि नारायणी अस्पतालमा ल्याउने तयारी भईरहेको प्रहरीले जनाएको छ ।
यस्तै पर्साको ठोरी गाउँपालिका–३ बुद्धनगरमा आज बिहान चट्याङ लागेर २ ओटा भैंसी मरेको छ ।
स्थानीय गोपाल श्रेष्ठले पालेको २ ओटा भैंसी बिहान करीब ८ बजे चट्याङ लागेर मरेको हो । गोठमा बांधेर राखेको भैंसी मरेपछि किसान श्रेष्ठ चिन्तित भएका छन् । बिहानको चट्याङबाट पशु चौपाया मरेको भएपनि मानवीय क्षति भने नभएको उहाँले बताउनुभयो ।
तपाईको प्रतिक्रिया