वीरगञ्ज महानगरपलिका वडा–२४ मा रहेको श्री राम जानकी आधारभूत विद्यालयमा उमेर नै नपुगेको अयोग्य र नियुक्ति नै नपाएको दुईजना शिक्षीका कार्यरत रहेको पाईएको छ ।

तत्कालिन बगही गाविस वडा– ६ परिर्वतित वीरगञ्ज महानगर वडा–२८ बस्ने वर्ष १५ कि बबली कुमारीलाई उमेर नपुगदै नियूक्ती पाएको खुलासा भएको छ । उनलाई नेपाल रेव्ये माध्यमिक विद्यालय को मिति २०६५ असार १३ गते संचालीत बालबिकास शिक्षिकाको रुपमा पठन पाठन गराउन नियूक्ती पत्र दिएको थियो । बबलीले जिल्ला प्रशासन कार्यालय पर्साबाट मिति २०६८ भदौ २३ गते नेपाली नागरीकता प्राप्त गरेकी थिईन् ।

उनको नागरीकतामा जन्म मिति २०५० पौष २६ गते उल्लेख गरिएको छ । त्यसरी नियूक्ती पाउँदा बबलीको उमेर १५ वर्ष मात्रै पुगेको देखिएको छ । अर्का शिक्षिका रिंकु कुमारी पनि नियुक्ति पत्र नै नभई कार्यरत रहेकी छिन् ।

बाल विकास सहयोगी शिक्षिकाको रुपमा कार्यरत रिंकु कुमारीलाई जिल्ला शिक्षा कार्यालयले रामजानकी प्राविमा रमाना गरेको पत्र अनुसार हाजिर गराउन विद्यालय व्यावस्थापन समितिको सर्वसम्म्तीले निर्णय गरेको भनिएपनि उनको जिल्ला शिक्षा कार्यालबाट दिईएको नियुक्तिपत्रको कुनै प्रमाण भेटिएको छैन ।

विद्यालयको लेडर प्याडमा विद्यालय व्यावस्थापन समितिको बैठकको मिति र जिल्ला शिक्षा कार्यालयले पठाएको भनी उल्लेख गरिएको चलानी नम्बर पनि केरमेट गरि लेखिएको छ ।

जिल्ला शिक्षा अधिकारीलाई सम्बोधन गरी लेखिएको लेटर प्याडमा विद्यालय व्यावस्थापन समितिको मिति २०६८।५।१० उल्लेख गरिएको ठाउँमा ५ गतेलाई ८ गते बनाईएको छ । त्यस्तै जिल्ला शिक्षा कार्यालय पर्साको चलानी नम्बर ४० लेखिएको ठाउँमा पनि केरमेट गरेर ५५ लेखिएको छ ।

राजनीति दवाबमा केहीवर्ष यो विषय लुकाईए पनि अख्तियार दुरुपयोग अनुसन्धान आयोग लगायत, महानगरको शिक्षा महाशाखामा स्थानीयले उजुरी गरे पश्चात यो बिषय बाहीर आएको हो ।

बबलीको उमेर र योग्यता नपुग्दै झुक्याएर नियूक्ती लिएको भन्दै महानगरमा स्थानीयले पटक पटक उजुरी गरेपछि महानगरपालिकाले बबलीको ९ महिनाको पारिश्रमिक समेत रोक्का गरेको थियो ।

तर, अख्तियार दुरुपयोग अनुसन्धान आयोगले अनुसन्धान गर्ने काम अख्तियारको रहेको भन्दै बबलीको तलब नरोक्न निर्देशन दिएपछि महानगरपालिकाले बबलीको तलब निकासा गरेको बुझिएको छ ।

अख्तियारमै उजुरी परेपनि अहिलेसम्म कुनै ठोष कारर्वाही भने भएको छैन । आयोगले महानगरलाई कारवाही गर्न पटक पटक पत्रचार गरेपनि महानगर अन्तरगतका शिक्षा महाशाखाले कुनै चासो नदेखाएको स्थानीयको गुनासो छ ।राजनीति दबावका कारण यस बिषयमा वीरगञ्ज महानगरले कुनै प्रतिक्रिया दिन मानेको छैन ।

वीरगंज महानगरपालिकाको शिक्षा महाशाखाले भने अख्तियार दुरुपयो अनुसन्धान आयोगले अनुसन्धान गरिरहेको र आवश्यक कागजात त्यही पठाएको जनाएको छ । महानगरका शिक्षा शाखाका एक जना अधिकृत हरि राउत कुर्मीले १८ वर्ष उमेर पुगेपछिको नियुक्तिलेमात्र बैधता पाउने बताए ।