सहकर्मी बलात्कार प्रयासको आरोप लागेका पोखरिया नगरपालिकाका सफाई कर्मचारी हजरा फरार

इसीमाना सम्वाददाता २०८० पौष १ गते ०२: ५७ मा प्रकाशित 402 पटक पढिएको

पोखरिया । सहकर्मी बलात्कार प्रयासको आरोप लागेका पोखरिया नगरपालिकाका सफाई शाखाका नाइके रामवली हजरा फरार भएका छन ।

उनी बिरुद्ध कार्यालयमै कार्यकरत महिला कर्मचारीले जर्ववस्ती करणीको प्रयास गरेको भन्दै इलाका प्रहरी कार्यालय पोखरियामा उजुरी दिएपछि उनी फरार भएका हुन । हजार बिरुद्ध बलात्कार प्रयास गरेको भन्दै प्रहरीले उजुरी दर्ता गरेर अनुसन्धान शुरु गरेको प्रहरी नीरिक्षक मोहन बिक्रम के.सी.ले जानकारी दिए ।

पीडित महिला र उनको श्रीमानले जाहेरी दिएपछि इलाका प्रहरी कार्यालय पोखरियाले जबरजस्तीकरणी उद्योगमा मुद्दा दर्ता गरेको के.सी.ले बताए ।
पीडित महिलाबाट जाहेरी प्राप्त भएलगत्तै मुद्दा दर्ता गरेर पीडिक हजरालाई खोज्न टोली खटाइसकेको छ ।

प्रहरीका अनुसार मुद्दा दर्ता भएपछि पीडक फरार भएका छन् ।

गएको शुक्रवार राती हजराले महिला कर्मचारीलाई बलात्कारको प्रयास गरेका थिए । सफाई शाखाका कर्मचारी बिनोद पाण्डेले ति महिला कर्मचारीलाई राती नौ बजेको समयमा कार्यालयमा बोलाएका थिए । रातको समयमा कार्यालमाय आउन आनाकानी गरेपछि श्रीमानको जागीर खाईदिने धम्की दिइएको पीडित महिलाका आफन्तले बताए । धम्की दिएका कारण कार्यालय गएकी ति महिलालाई हजराले माथिललो कोठाको सफाई गर्ने बाहनामा माथि लगी बलात्कार प्रयास गरेका थिए ।

यसैवीच पोखरिया नगरपालिकाले पनि घटना भएपछि यसको वास्तविकताको छानविन गर्ने बताएको छ । आफ्नो कार्यकक्षमा पत्रकार सम्मेलन गर्दै नगरपालिकाले छानविन समिति गठन गरेर वास्तविक कुरा बाहिर ल्याउनु जनाएको छ । नगरपालिकाले पत्रकार सम्मेलनमा भनेको छ– जोसुकै दोषी देखिए त्यसलाई कानुनी दायरामा ल्याउने छौं ।