घ्यु तथा अन्य उत्पादन गर्ने एक उधोगमा छापा,गुणस्तरहीन उत्पादन फेला परेपछि उधोग शिल

इसीमाना सम्बाददाता २०८१ भदौ २० गते १४: ३७ मा प्रकाशित 257 पटक पढिएको

वीरगन्ज । गुणस्तरहीन घ्यु तथा अन्य बेकरी पदार्थ उत्पादन गर्ने एक उधोगमा बजार अनुगमन समितिले छापामारेको छ ।

पर्साका सहायक प्रमुख जिल्ला अधिकारीको नेतृत्वमा बाणिज्य कार्यालय,खाद्य प्रबिधि तथा गुण नियन्त्रण कार्यालय वीरगंन्ज एवं उपभोक्ता हित संरक्षण मंचको संयुक्त टोलीले बुधबार उधोगमा छापा मारेको हो ।

उपभोक्ता हित संरक्षण मञ्च नेपाल पर्साले अखाद्य घ्यू उत्पादन र बिक्री बितरण हुदै आएकोमा उजुरी गरेको थियो ।

उजुरीको आधारमा बीरगंज महानगर पालिका वडा न.१५ भेडियाहीमा रहेको श्रीराधा बेकरी सटिङ्ग रिपैकिङ्ग उद्योगमा जिल्ला प्रशासन कार्यालय पर्सा सहितको टोलीले छापामारी गरेको अजित भूजेलले बताए।

सो उद्योगमा घ्यु बनाउने नाममा अखाद्य बस्तु , केमिकल प्रयोग गरेको र केक पाउरोटीमा प्रयोग हुने बेकरी सटिङ्लाइ घ्यु भन्दै प्याकिङ्ग गरि बिक्री गरेको , नक्कली लेबल सहित अखाद्य घ्यू , टोलीले नियन्त्रणमा लिएको छ ।

घ्यु मा प्रयोग हुने सामान र भाडाकुडा पनि टोलीले नियन्त्रणमा लिएको छ । उद्योगको कागजात माग्दा नदिएकोले तत्काललाई उद्योग शिल गरिएको खाद्य तथा गुण नियन्त्रण कार्यालय बीरगंजका प्रमुख सुरेश कुमार सिंहले जानकारी दिए ।

श्रोतका अनुसार यो गुणस्तरहिन घ्यु उद्योगका सञ्चालक लोकेश मित्तल रहेको र हाल उनी सम्पर्कबिहिन भएको बताइन्छ ।