रामकुमार महावीर प्रसाद केडिया आँखा अस्पतालको उपराष्ट्रपति यादवले गरे मुक्तकण्ठले प्रशंसा

इसीमाना सम्वाददाता २०८१ फागुन १२ गते ०४: ४९ मा प्रकाशित 214 पटक पढिएको

वीरगन्ज । उपराष्ट्रपति रामसहाय यादवले रामकुमार महावीर प्रसाद केडिया आँखा अस्पतालको मुक्तकण्ठले प्रशंसा गरेका छन ।

५० वर्ष अघि आँखाको उपचारको आवश्यकता महशुस गरे निर्माण गरिएको अस्पतालले नेपाल र भारतका गरी २७ लाख नागरिकलाई सेवा दिएको छ भने ४ लाख नागरिकको नेत्र शल्यक्रिया गरेर ज्योती फर्काउने काम गरेको छ ।

अस्पतालको ५० औ वािर्षकत्सोव अवसरमा आयोजीत स्वर्ण महोत्सवमा सहभागी हुन उपस्थित भएका उपराष्ट्रपति यादवले

५० वर्षमा रामकुमार महावीर आँखा अस्पतालले धेरै राम्रो काम गरेको जनाए । उनले अबका दिनहरुमा अझ प्रभावकारी सेवा प्रदान गर्न आग्रह गरेका छन् ।

उनका अनुसार अहिलेसम्म अस्पतालको गुणस्तरीय सेवा छ । यहीकारणले नै होला पर्सा, बारा, रौतहट, मकवानपुरसहित छिमेकी देश भारत विहारबाट पनि आँखा उपचार गराउन विरामीहरु आउने गरेका हुन ।

आँखा सम्बन्धी १८ प्रकारको उपचार सेवा दिइरहेको आफूलाई खुसी लागेको उपराष्ट्रपति यादवले भनेका छन् ।

उनी भन्छन्, ‘यो क्षेत्रमा लामो समयदेखि आँखा अस्पतालले सेवा प्रदान गर्दै आइरहेको छ, अब यसमा नयाँनयाँ प्रविधिको उपयोग गर्दै लैजानुपर्छ ।

यसरी विकसित यो अस्पताललाई देशकै नमुना आँखा अस्पताल बनाउन जरुरी छ ।’

अस्पतालका अध्यक्ष परमेश्वरी देवी केडियाको अध्यक्षतामा भएको कार्यक्रममा अस्पताल ब्यवस्थापन समितिका राजेश केडियाले स्वागत मन्त्ब्य र पत्रकार लक्ष्मी खरेलले कार्यक्रमको संचालन गरेकी थिइन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।