स्व.उमा सिंहको स्मृतिमा जनकपुरमा महासंघको आयोजनामा बिभिन्न कार्यक्रम सम्पन्न
जनकपुरधाम । नेपाल पत्रकार महासङ्घ धनुषा शाखाले शहिद पत्रकार उमा सिंहको १७औँ स्मृति दिवसको अवसर पारेर आइतबार पत्रकारहरूको स्वास्थ्य अवस्था र पेशागत सुरक्षासम्बन्धी यथार्थ प्रश्नहरूलाई उजागर गर्ने उद्देश्यसहित दुईवटा महत्वपूर्ण कार्यक्रम सम्पन्न गरेको छ।
महासङ्घ धनुषा शाखाले निःशुल्क स्वास्थ्य परीक्षण कार्यक्रम र श्रद्धाञ्जली सभा आयोजना गरेको हो। यी दुवै कार्यक्रमलाई पत्रकारहरूको वर्तमान अवस्था र शहिद पत्रकारको बलिदानसँग जोडेर हेरिएको छ।
बिहान महासङ्घ धनुषा शाखाको कार्यालय परिसरमा आयोजित निःशुल्क स्वास्थ्य परीक्षण कार्यक्रममा धनुषा जिल्लाका ५० जना क्रियाशील पत्रकारहरूको स्वास्थ्य परीक्षण गरिएको थियो।
जनकपुरधामस्थित प्रादेशिक अस्पताल अगाडि रहेको हाइटेक प्याथोलोजी ल्याबको प्राविधिक सहकार्यमा सम्पन्न उक्त कार्यक्रममा रक्तचाप, मधुमेह, लिपिड प्रोफाइल तथा युरिन परीक्षण गरिएको महासङ्घले जनाएको छ।
महासङ्घ धनुषा शाखाका अध्यक्ष पुरन साहले पत्रकारहरूको असुरक्षित कार्यपरिवेश, अनियमित कार्यतालिका र जाडो मौसमका कारण स्वास्थ्य जोखिम बढिरहेको उल्लेख गर्दै, राज्यस्तरबाट पत्रकारहरूको स्वास्थ्य सुरक्षाका लागि दीर्घकालीन नीति आवश्यक रहेको बताए। उनले महासङ्घको पहलमा यस्ता कार्यक्रम निरन्तर गरिने प्रतिबद्धता व्यक्त गरे।
त्यसैगरी, साँझ महासङ्घ भवन अगाडि आयोजित श्रद्धाञ्जली सभामा शहिद पत्रकार उमा सिंहको बलिदान र प्रेस स्वतन्त्रतामाथि भएका आक्रमणहरूबारे गम्भीर समीक्षा गरिएको थियो।
कार्यक्रममा नेपाल पत्रकार महासंघका केन्द्रीय लेखा समितिका संयोजक के.सी.लामिछाने,केन्द्रीय सदस्य राजेश कर्ण , मधेश प्रदेशका अध्यक्ष श्याम बन्जारा,महासचिव शैलेन्द्र क्रान्ति सचिव हदिश खुद्दार बरिष्ठ पत्रकार बि.एम .खनाल रामभरत साह , रिन्कु मिश्र ,अशोक रौनीयार मनिका झा अवधेश कामत लगायतको सहभभागिता रहेको थियो ।
नेपाल पत्रकार महासंघ धनुषाका अध्यक्ष पुरन गुप्ताले उमा सिंहको हत्या अझै पनि न्यायिक निष्कर्षमा नपुगेको विषय रहेको स्मरण गराउँदै, पत्रकारको सुरक्षाका सवालमा राज्य गम्भीर नदेखिएको आरोप लगाए। उनले उमा सिंहलाई निडर पत्रकारिता, सत्यको खोज र सामाजिक न्यायका प्रतीकका रूपमा स्मरण गरे।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
लायन्स क्लब अफ वीरगञ्ज मिलेनियम (MJF) द्वारा विपन्न परिवारलाई साडी, खाद्यान्न तथा छठ पूजा सामग्री वितरण
वीरगञ्ज । छठ पर्वको पावन अवसरमा लायन्स क्लब अफ वीरगञ्ज मिलेनियम (MJF) ले सामाजिक उत्तरदायित्व तथा मानवीय सेवाको भावनालाई आत्मसात् गर्दै ९० विपन्न तथा आर्थिक रूपमा कमजोर परिवारलाई साडी, खाद्यान्न एवं छठ पूजाका आवश्यक सामग्री वितरण गरेको छ।
ठोरी–४ विजयबस्तीमा प्रहरी भवन र स्वास्थ्य चौकीको नवनिर्मित भवन उद्घाटन
वीरगञ्ज । पर्साको ठोरी गाउँपालिका–४ विजयबस्तीमा नेपाल प्रहरीको नवनिर्मित भवन र निर्मल बस्ती स्वास्थ्य चौकीको नयाँ भवन एकै दिन उद्घाटन गरी सञ्चालनमा ल्याइएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
तपाईको प्रतिक्रिया