वीरगञ्ज । २ अर्व ५० करोडको लागतमा वीरगंज महानगरपालिकाको वडा नं १४ बहुवरीमा निर्माण भएको सुपर मार्केट भाटभटेनीको २४ र्आैं शाखा संचालनमा आभएको छ ।

यो शाखा मधेश प्रदेशके पहिलो शाखा हो । यस पछि आउने असरामा जनकपुरमा अर्को शाखा संचालनमा आउने छ ।

शाखाको भाटभटेनीका अध्यक्ष तथा प्रबन्ध निर्देशक मीन बहादुर गुरुङले आजै एक कार्यक्रम बीच हिन्दू धर्म संस्कृति अनुसार पूजा गर्दै स्टोरको उदघाटन गरेका छन् ।

पर्सा, बारा, रौतहट र मधेश प्रदेशका अन्य जिल्लासँगै सीमावर्ती भारतीय शहरका उपभोक्तालाई सेवा दिने अध्यक्ष गुरुङको भनाई छ ।

भाटभटेनीले सबै खालका क्रयशक्ति भएका ग्राहकलाई सेवा दिनेछ । गुरुङले ब्यपार पनि सेवाभाले अभिप्रेरित रहेको बताए । गरुङले
स्थानीय किसान, उद्यमी, व्यवसायी, उद्योगले उत्पादन गरेका सामग्री खरिद गर्ने र त्यसले उद्यमशीलातको बिकास हुने बिश्वास ब्यक्त गरे ।

२ बिघा २ कठ्ठा क्षेत्रफल जग्गामा निर्मित सुपर मार्केट स्टोरमा २ लाख ५० हजार स्क्वायर फिटको सपिङ स्पेस रहेको छ भने सुपर मार्केट भवन ७ तल्ले छ । भाटभटेनीको अहिले सम्म संचालनमा आएको योमार्केट सबैभन्दा ठुलो हो ।

भाटभटेनीमा राखिएका उपभोग्य बस्तु तथा अन्य समान महंगो हुने आकंलन गरिए पनि ब्यवहारमा त्यस्तो नभएको अवलोकनकर्ता भनाई रहेको छ । बिहिवार मात्रै रक्सौलमा बिभिन्न सामाग्री खरिद गरि फर्किएका पत्रकार महेशचन्द्र गौतमले रक्सौलमा भन्दा भाटभटेनीमा कतिपय समान सस्तो रहेको बताए ।

उनले रक्सौलमा ६४ रुपैया किलो चीनी ल्याएका थिए तर भाटभटेनीमा त्यही चीनी ६२ रुपैया किलो बिक्री बितरण भएको थियो ।

लालकिल्ला चामल नेपाली १ सय ६० मा खरिद गरेका गौतमले भाटभटेनीमा त्यो भन्दा सस्तोमा बिझी भइरहेको बताए । उनले भने रक्सौल भन्दा यही सस्तो पो रहेछ ।

सुपर मार्केटले उपभोक्ताको उपभोग कल्चरमा परिर्वतन ल्याउने आम बिश्वास गरिएको छ । भाटभटेनी सुपर मार्केटमा हजारौको सहभागिता रहयो। त्यहा पुग्ने सबैले भाटभटेनी खुलेकोमा खुशी ब्यक्त मात्र गरेका छैनन वीरगंजे गर्व गर्न पाउने संरचना निर्माण भएको बताए ।

बरिष्ठ अधिवक्ता दिपकराज भण्डारीले यती धेरै मानिसको सहभागिता वीरगंजका कुनै पनि कार्यक्रममा आज भन्दा अघि आफूले महशुस नगरेको बताए ।

उपभोक्तालाई मार्केट सम्म ल्याउन जुन ब्यवस्थापकीय क्षमताको प्रर्दशन भयो त्यो निकै तारिफे काविल रहेको उनको भनाई छ ।

मार्केटले यस क्षेत्रका सबै नागरिकलाई नामै उल्लेख गरेर निमन्त्रणा पठाएको थियो । अधिवक्ता भण्डारीले वीरगंजका आधारभूत क्षेत्रका मानिसलाई मार्केट सम्म ल्याउन सकेकोले मार्केटले उपभोक्ताको उपभोग कल्चरमा परिर्वतन ल्याउने बताए ।

ठाकुरराम बहुमुखी क्याम्पसका पूर्व प्रमुख अवधेश झाले सुपर मार्केटलाई वीरगंजको गौरव मान्नु पर्ने बताए । उनले भने “दिेशको झल्को मेटने एउट ठाउँ वीगंजमा पनि बन्यो ।