पर्यटकीय गन्तब्यको केन्द्रको रुपमा रहेको ठोरीको माँग सम्बोधन गर्ने प्रदेश गृहमंत्री लेखीको प्रतिवद्धता

२०८१ भदौ ३ गते ०९: १५ मा प्रकाशित 520 पटक पढिएको

ठोरी । मधेस प्रदेशका गृह, सञ्चार तथा कानून मन्त्री राजकुमार लेखीले पर्यटकीय महत्व बोकेको ठोरी गाउँपालिकाको माँग सम्बोधन गर्ने प्रतिवद्धता जनाएका छन ।

चितवनको माडी हुदै सोमवार पर्साको ठोरी आइपुगेका लेखीले ठोरीको बिकासकालागि रकमान्तर गरेर भएपनि काम गर्ने बताएका हुन ।

मंत्री लेखीलाई ठोरी गाउँपालिकाका अध्यक्ष लाल बहादुर श्रेष्ठ लगायत ठोरीमा रहेका सबै राजनीतिक दलका नेता तथा कार्यकर्ताले भब्य स्वागत गरेका थिए ।

उनले ठोरी गाउँपालिका वडा नम्बर ३ को जीर्ण अवस्थामा रहेको प्रहरी भवनको स्थलगत अवलोकन समेत गरेको वडाध्यक्ष शम्भु खड्काले जानकारी दिए ।

कार्यक्रममा ठोरी भित्र रहेका प्रहरी चौकीहरुको भवन निर्माण, प्रहरी दरबन्दी अनुसार प्रहरी पठाउन, सीमा र मधेस प्रदेश सरकारसंग समन्वय लगायतका विषयहरुमा मन्त्री लेखीको ध्यानाकर्षण गराइएको थियो ।

कार्यक्रममा संविधान सभा सदस्य जयप्रकाश थारु, माडी नगरपालिकाकी प्रमुख ताराकुमारी काजी महत्तो, प्रमुख दलका स्थानीय प्रमुख, ठोरी गाउँपालिकाका कर्मचारीहरु लगायातको सहभागिता थियो ।

मधेश सरकारलेठोरीलाई प्रमुख पर्यटकीय गन्तब्यका रुपमा बिकास गर्ने गरि मधेश प्रदेश सरकारको मंत्रीपरिषदको बैठक समेत ठोरीमा भएको थियो ।

ठोरीलाई पर्यटकीय गन्तब्यको रुपमा बिकास गर्न मंत्रीपरिषद बैठक मार्फत बरोडौको योजना घोषणा गरिएको तर त्यो कार्यान्वयन नभएको बारेमा पनि मंत्री लेखीलाई ध्यानाकर्षण गराइएको थियो ।