विश्व कुष्ठ रोग दिवसको अवसरमा विभिन्न कार्यक्रम

1/29/2017 गते 00 00 मा प्रकाशित 1241 पटक पढिएको

वीरगञ्ज, १६ माघ । ६४ औैं विश्व कुष्ठ रोग दिवसको अवसरमा जिल्ला जनस्वास्थ्य कार्यालय पर्साले आइतबार वीरगञ्जमा चेतना मुलक ¥याली सहित विभिन्न कार्यक्रमको आयोजना गरेको छ । वीरगञ्जको घण्टाघरबाट निस्किएको ¥यालीले समयमै कुष्ठ रोगको उपचार गरौं, अपाङ्गता हुनबाट बचाउ लगायतका नारा लगाउँदै नगर परिक्रमा गरेको थियो । ¥याली पछि नारायणी उपक्षेत्रीय अस्पतालमा आयोजित चेतनामुलक कार्यक्रमलाई सम्बोधन गर्दै क्षयकुष्ठ अधिकृत शम्भु यादवले जिल्लामा १ सय २२ जना कुष्ठ रोगी मध्ये ७५ जनामा सर्नै र ४७ जनामा नसर्ने रहेको जानकारी दिए ।

साथै उहाँले जिल्लाका ३५ गाविस कुष्ठ रोग मुक्त रहेको जानकारी दिनुभयो । उनले आयआर्जन कम भएका कुष्ठ रोगीका परिवारलाई ३० हजार रुपैया लगानी गरी आयआर्जनमा उत्प्रेरित गरी खानपानमा ध्यान दिन जोड दिने गरेको समेत बताए । कार्यक्रममा जिल्लाका विभिन्न स्थानका उपचार गराई रहेका ५ जना कुष्ठरोग प्रभावितलाई सम्मान समेत गरिएको थियो ।

जनस्वास्थ्य कार्यालयका निमित्त प्रमुख सचितानन्द सिंहको अध्यक्षतामा भएको कार्यक्रममा नारायणी उपक्षेत्रीय अस्पतालका मेडिकल सुपरिटेन्डेन्ट डा चित्ररंजन साह, कुष्ठ रोग अपांग संघ पर्साका अध्यक्ष शम्भु पासवान, जनास्वास्थ्य निरिक्षक बालकुष्ण यादव, कुष्ठ रोग नेपालका शकलानन्द श्रेष्ठले कुष्ठ रोगको बारेमा आ–आफ्नो धारणा व्यक्त गरेका थिए ।