आर्थिक वृद्धि उच्च बनाएकोमा उद्योगीहरुद्धारा अर्थमंत्रीको प्रशसां

4/16/2017 गते 00 00 मा प्रकाशित 1557 पटक पढिएको

काठमाडौँ, ३ वैशाख । बर्षौपछि, मुलुकको आर्थिक बृद्धिदर उच्च बनाएको भन्दै नेपाल उद्योग वाणिज्य महासंघका पदाधिकारीहरुले उपप्रधानमन्त्री तथा अर्थमन्त्री कृष्णबहादुर महराको प्रंशसा गरेका छन् ।
चालु आवमा मुलुकको आर्थिक वृद्धिदर ६.५ प्रतिशत हुने प्रक्षेपण गरेको छ । सो वृद्धिदर २५ वर्ष यताकै उच्च हो । आव २०५०÷५१ पछि उच्च आर्थिक वृद्धिदर हुन लागेको हो ।
लोडसेडिङ अन्त्य, सरकारले लिएका आर्थिक नीति एवम् आर्थिक परिचालनका कारण आर्थिक वृद्धिदर उच्च हुन लागेको हो ।
आइतबार मन्त्रालयमै पुगेका नवनिर्वाति पदाधिकारीहरुलाइ उपप्रधानमन्त्री तथा अर्थमन्त्री महराले बधाइ दिएका थिए । भेटमा संघका पदाधिकारीहरुले बर्षौपछि मुलुकको आर्थिक बृद्धिदर बढाएको सन्तोष ब्यक्त गर्दै लगानीमैत्री वतावरण बनाउन आग्रह गरे ।
अर्थमंत्री महराले अब शसस्त्र युद्ध पनि हैन, शित युद्ध पनि हैन,आर्थिक विकास र समृद्धि नै पहिलो आवश्यकता भएको बताए ।
उपप्रधानमन्त्री महरासँग उद्योग बाणिज्य महासंघका अध्यक्ष भवानी राण, पुर्व अध्यक्ष पशुपती मुरारका, चण्डीराज ढकाल, बरिष्ठ उपाध्यक्ष शेखर गोल्छा, उपाध्यक्षहरु चन्द्र ढकाल, उमेशलाल श्रेष्ठ र कोषाध्यक्ष ज्ञानेन्द्रलाल प्रधान सहितको टोलीले भेट गरेको थियो ।