बीरगंजको मेयरमा श्रीमान र श्रीमतीको नाम सिफारिश

4/22/2017 गते 00 00 मा प्रकाशित 1504 पटक पढिएको

बीरगंज ९ बैशाख ।
नेकपा एमाले पर्सा जिल्ला कमिटीको बैठकले बीरगंज उपमहानगरको मेयर र उपमेयरमा थप नाम सिफारिश गरेको छ । यस अघि बीरगंज नगर कमिटीले तीन ÷तीन जनाको नाम सिफारिश गरेकोमा जिल्ला कमिटीले थप चार÷चार जनाको नाम सिफारिश गरेको नेकपा एमाले पर्साका संयोजक प्रभू हजराले जानकारी दिए ।
जिल्ला कमिटीले संयोजक प्रभू हजरा,उप संयोजक डा.बिश्वमभर शर्मा,पूर्व संयोजक चीरन्जीवी आचार्य र प्रदेश कमिटीका सदस्य बालगोपाल थापाको नाम मेयरमा सिफारिश गरेको हो । त्यस्तै उपमेयरमा महिला नेतृहरु लज्जा रेग्मी,सोफिया आचार्य,बिना शर्मा र प्रभा खड्काको नाम सिफारिश गरेको छ । यस बीरगंज नगर कमिटीको बैठकले मेयरमा महिला नेतृ निर्मला देवकोटा,सुन्दर कुर्मी र मनोज चौधरीको नाम मेयरमा सिफारिश गरेको थियो भने उपमेयरमा अरविन्द सिंह,प्रेमा पौडेल र निर्मला भण्डारीको नाम सिफारिश गरेको थियो । सिफारिशमा परेको चीरन्जीवी आचार्य र सोफिया आचार्य श्रीमान श्रीमती हुन ।
नेकपा एमालेले बैशाख १२ सम्ममा उम्मेदवारको अन्तिम टुंगो लगाउने नीति बनाएको छ । जिल्लाले सिफारिश गरेको नाममा प्रदेश कमिटीले आवश्यक छलफल गरेर माथिल्लो कमिटीमा सिफारिश पठाउने छ । नेकपा एमालेको २ नम्बर प्रदेशको बैठक १० गते बस्दै छ ।
बैठकले निर्वाचनमा आर्थिक परिचालनकोलागि प्रभू हजराको संयोजकत्वमा सभासदहरु बिचारी यादव,राजकुमार गुप्ता र जय प्रकाश थारु रहेको समिति बनाएको छ । त्यस्तै स्वयंसेवक परिचालन र सुरक्षा ब्यवस्थापनको जिम्म मनोज चौधरीलाई दिएको छ भने प्रचारको कमाण्डा बिश्वम्भर शर्माले सम्हाल्ने एमाले पर्साको निर्णय रहेको छ ।