बीरगंज १८ असार /जिल्लामा निर्माण भएका स्वास्थ्यचौकी भवनहरु हस्तान्तरणमा ढिलाई भएको प्रति मानवअधिकारकर्मीहरुले चिन्ता ब्यक्त गरेका छन । पर्सा जिल्लामा लाखौको लगानीमा स्वास्थ्यचौकीहरु र्निमाण भएपनि त्यसको हस्तान्तरण भएका छैनन । स्वास्थ्य चौकी हस्तान्तरण नहुदा साविकका गाविस कार्यालयहरुमा स्वास्थ्यचौकी र वर्थिङ्ग सेन्टरहरु संचालन गर्नु परिरहेको छ । सानो ठाउमा चौकीहरु संचालन गर्नु पर्दा सेवाको प्रभावकरितामा समस्या आएको स्वास्थ्यकर्मीहरुकै गुनासो रहेको छ । जिल्लाको साविकको गादी परवानीपुर भवानीपुर लगायतमा र्निर्माण भएको स्वासथ्यचौकीहरुको हस्तान्तरणको प्रक्रिया अगाडि बढाउन माग गर्दै आज पर्साका मानवअधिकारकर्मीहरुले पर्साका प्रमुख जिल्ला अधिकारी केशवराज घिमिरेको ध्यानाकर्षण गराएका छन । समुहका पर्सा अध्यक्ष तवरेज अहमदले ध्यानाकर्षण पत्र बुझाउदै नागरिकको मौलीक हकको रुपमा रहेको स्वास्थ्य अधिकारको उपभोगको वतावरण बनाईदिन निर्माण भएका भौतीक पूर्वाधार हस्तारतन्तरणको बतावरण बनाउन माग गरेका हुन । जवाफमा पर्साका प्रमुख जिल्ला अधिकारी केशवराज घिमिरेले आफ्नै पहलमा गत वर्ष दुईवटा स्वास्थ्य चौकी हस्तान्तरण गरिएको जानकारी दिए  । उनले  क्रोनीककै रुपमा रहेको बिषय उठान गरिएको भन्दै भन्दै आफूले हस्तान्तरणको बतावरण बनाउने प्रतिवद्धता जनाए । उनले सरोकार राख्ने अड्डाका कर्मचारीहरुको उदासिनताका कारण समस्या आएको चर्चा गर्दै त्यसलाई छिटै अन्त्य गरि  स्वास्थ्यचौकीबाट नै जनतालाई स्वास्थ्य सेवा दिने अवस्था निर्माण हुने बताए  । 
    समुहले आजै स्वास्थ्य संस्थाहरुमा औषधीको अभाव रहेको जानकारी दिदै औषधी आपूर्तीको ब्यवस्था मिलाउन र आगामी आर्थिक वर्षमा यो समस्या दोहरिन नदिन जिल्ला जनस्वास्थ्य कार्यालय पर्साको पनि ध्यानाकर्षण गराएको छ । जवाफमा पर्साका जनस्वास्थ्य प्रमुख राजकिशोर पंडितले  कर्मचारीलाई तोकिएको समयसीमा सम्म कार्यालयमा कार्यरत रहन निर्देशन दिइएको बताए  । उनले तोकिएको समयसम्म कार्यालयमा उपस्थित नहुने कर्मचारीलाई कारवाही गर्ने प्रतिवद्धता जनाए । आउने आर्थिक वर्षबाट बिषयगत कार्यालयहरु गाउँपालिका र नगरपालिकामा जाने भएकोले औषधी आपूर्तीको समस्या कम हुने उनले बताए । उनले  अहिले स्वास्थ्य चौकीहरुमा औषधीको अभाव रहेको स्वीकार गरे । 
समुहका अध्यक्ष तवरेज अहमदको नेतृत्वमा गएको टोलीमा नेपाल पत्रकार महासंघ पर्साका पूर्व अध्यक्ष एवं इन्सेक प्रतिनिधि के.सी.लामिछाने। नेपाल पत्रकार महासंघ पर्साका उपाध्यक्ष अनुप तिवारी,नेपाल मानव अधिकार संगठन पर्साका सविच शिवनाथ यादव समुहका जिल्ला सचिव समशुल हवारी  समुहका सदस्यहरु निला राम,निलम पंत मानव अधिकार निगरानी समहु मधुवन मथौलका अध्यक्ष दिनेश तिमिल्सीना गादीका अध्यक्ष बिजय गैरे लगायतको सहभागिता रहेको थियो ।