बीरगंज ३० कार्तिक । 
नेपाली कांग्रेसका बरिष्ठ नेता रामचन्द्र पौडेलले  मुलुकलाई बर्तमान सरकारले सर्वसत्तावाद तर्फ लाने मेसो मिलाउन लागेको आरोप लगाए । 

पर्सा जिल्लाको क्षेत्र नं ४ को आसवारीमा शुक्रवार आयोजना गरिएको पार्टी प्रवेश कार्यक्रमलाई सम्बोधन गर्दै बरिष्ठ नेता पौडेलले यस्तो आरोप लगाएका हुन ।

कम्युष्टि सरकारले अदालत अख्तियार लगायतका  संस्थाहरुलाई आफनो नियन्त्रणमा लिने प्रयास गर्दै अधिकार जती प्रधानमंत्रीको मुठ्ठीमा राख्ने अभ्यास गरेको बताए । उनले  अदालत र अख्तियार जस्ता संस्थाहरुलाई कमजोर बनाएर अधिकार जती प्रधानमंत्रीको मातहतमा लगेर सर्वसत्तावाद लाद्ने  प्रयास भएको भन्दै  नेता पौडेलले चिन्ता प्रकट गरे  । 

दुइ तिहाई बहुमतको आडमा सरकार लोकतन्त्रलाई समाप्त पारेर अधिनायकवाद लादने षडयन्त्रमा लाग्यो नेता पौडेलले भने त्यतीमात्र हैन बिकास र समृद्धिको नारा दिएर आएको सरकार भ्रष्टाचारको काण्डैकाण्डामा डुवेको छ” । उनले म पनि खान्न र अरुलाई पनि खान दिन्न भन्ने प्रधानमंत्री ओलीको भनाईलाई आफूले  पनि स्वागत गरेको तर स्वागत गर्नु निर्रथकसिद्ध भएको उनले बताए । 

उनले सरकार बनेको ६ महिना बितिसक्दा पनि देश र जनताको पक्षमा कुनै काम हुन नसकेकोले जनतामा निराशा ब्याप्त भएको बताए । 

नेता पौडेलले मधेशमै उभिएर मधेशी दललाई प्रश्न गरे राजेन्द्र र उपेन्द्र जी आन्दोलनमा शहीद हुनेहरुलाई ५० लाख दिने भन्नु भयो किन दिनु भएन ? शहीद र घाइतेहरुलाई किन बिर्सिनु भयो  ? नेता पौडेलले नेपाली कांग्रेसले मधेश आन्दोलनका शहीद र घाइतेको अवस्थाका बारेमा छानविन गरि क्षतीपूर्ती उपलब्ध गराउन छानवीन आयोग बनाएर काम गर्ने घोषण गरे । 

ग्रामीण क्षेत्रका नागरिको उल्लेख्य सहभागिता रहेको कार्यक्रममा नेता पौडेलले सत्ता साझेदारीमा सरकार चलाउने मधेशी दललाई प्रश्न गरे खोई बिकास ? जनतालाई गरेका बाचा सम्झना गर्न उनले आग्रह गर्दै भने जनताको पक्षमा प्रदेश सरकारले भलाईको के काम ग¥यो ?  

कार्यक्रममा राजपा पर्साका सचिव धर्मेन्द्र पटेल बहुदरमाई नगरपालिका वडा नं २ वाट वडाध्यक्षमा निर्वाचित स्वतन्त्र वडाध्यक्ष जितेन्द्र पटेल ।महेश यादव डा अनिल झा पुरुषोत्तम दुवे गणेश पटेल लगायत दर्जनौ ब्यक्तिहरु संघीय समाजवादी फोरम राजपा र नेकपा परित्याग गरि नेपाली कांग्रेसमा प्रवेश गरेका थिए ।

कार्यक्रममा नेपाली कांग्रेसका केन्द्रीय सदस्य रमेश रिजालले लोकतन्त्र धरापमा परेको चर्चा गर्दै नेपाली कांग्रेस रहे मात्र भावी पुस्तालाई लोकतन्त्र र मुलुक हस्तान्तरण गर्न सकिने बताए । त्यस्तै पूर्व मंत्री सुरेन्द्र चौधरीले बर्तमान सरकार गरिव जनताकोलागि नभई ढाँड भाँच्न उद्धत रहेको बताए ।

पूर्व सभासद अनिल रुङगटाले उग्रराष्ट्रवाद र उग्रमधेशवादका कारण जनता भ्रममा परेको बताए । उनले भने अवस्था त्यो छैन कुनै पनि अतिवादले मुलुकलाई भलो हुदैन मुलुकको हित र प्रगतीकालागि नेपाली कांग्रेसलाई मजवुत बनाउनुको बिकल्प नभएको बताउ ।

कार्यक्रममा नेपाली कांग्रेसका युवा नेता जनार्दन सिंह क्षेत्रले मधेशी दलले जनतालाई केही समय भ्रममा पारेको बताए । उनले भने क्षेत्री दलमा सरकार र देश चलाउने ल्याकत छैन ।

नेता सिंहले सम्बिधान संशोधन बिना चुनाव समेत हुदैन भन्नेहरु अहिले सत्ताको चास्नीमा डुवेकोले पनि उनीहरुको वास्तविकता उजागर भएको बताए । 

कार्यक्रममा नेपाली कांग्रेसका नेता अजय चौरसिया, पटेर्वा सुगौली गाउँपालिकाका उपाध्यक्ष ममता महतो  बपशष्ठ नारायण कुर्मी महेश यादव ,पुरुषोत्तम दुवे , धर्मेन्द्र पटेल ,जितेन्द्र पटेल श्रीकान्त यादव लगायतकाले मन्तब्य ब्यक्त गरेका थिए । कार्यक्रमको सभापतित्व पार्टीका क्षेत्रीय सभापति रमेश पाण्डेले गरेका थिए ।