भूमि सम्बन्धी आयोग बिघठन नगर्न राष्ट्रिय भुमी अधिकार मञ्च नेपाल पर्साको माँग
राष्ट्रिय भूमि अधिकार मञ्च नेपाल पर्साले प्रधानमन्त्री शेर बहादुर देउवालाई ज्ञापन पत्र बुझाएको छ ।
मञ्चका पर्सा अध्यक्ष अर्जुन नेपालको नेतृत्वमा गएको टोलीले पर्साका प्रमुख जिल्ला अधिकारी पिताम्बर घिमिरेमार्फत प्रधानमन्त्रीको कार्यालय एवं भुमि व्यवस्था सहकारी तथा गरिवी निवारण मन्त्रालय सिंहदरवारलाई ज्ञापन पत्र बुझाएको हो ।
भुमिहिन दलित, सुकुम्बासी र अव्यवस्थित बसोवासको समस्या समाधान गर्न आयोगले पर्साको १४ वटै स्थानीय तहमा सम्झौता गरेको छ ।
ठोरी र पटेर्वा सुगौली गाँउपालिकाले लागत संकलन कार्य सकेका छन । नाप नक्साको कार्य भईसकेको अवस्थामा जग्गा बितरण कार्यको सुनिश्चिता नगरी आयोग बिघटन गर्नु उचित नहुने मञ्चले ज्ञापन पत्रमा उल्लेख गरेको छ ।
हाल भईरहेको कामलाई असर पार्ने गरी कुनै पनि निर्णय नलिन ज्ञापन पत्र मार्फत आग्रह गरिएको छ । ज्ञापन पत्र बुझदै प्रमुख जिल्ला अधिकारी घिमिरेले आयोग बिघटन नभएको जानकारी गराउदै ज्ञापन पत्र सम्बन्धित निकायमा पठाउने बताउनु भयो ।
सो अवसरमा मञ्चका सचिव संजय पहरी, प्रदेश कोषाध्यक्ष सिता लामा, जिल्ला सदस्य ईन्द्रदेवी माझी, हरी महतो धांगड, रामायण चौधरी, गणेश माझी लगायतको उपस्थिती रहेको थियो ।
सम्बन्धित शीर्षकहरु
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
काठमाडौँ । कर्णाली प्रदेशमा हुने दसौँ राष्ट्रिय खेलकुदको लोगो र मस्कट मंगलवार सार्वजनिक गरिएको छ ।
तपाईको प्रतिक्रिया