बेटी बचाउ बेटी पढाउ मधेश प्रदेशको मौलीक कार्यक्रम त होइन । यही नारा सहितको कार्यक्रम भारतको केन्द्रीय सरकारले २२ जनवरी २०१५ बाट शुरु गरेको थियो ।

यसको मुख्य उद्देश्य लैगिंक अनुपातमा सुधार ल्याउनु थियो । भारतमा प्रति हजार पुरुषमा ९ सय १८ महिलाको अनुपात रहेको छ ।

भारतको जनसंख्याको बृद्धि तेज रफ्तारमा भएपनि लैगिक अनुपात भने बढदो छ । यो परियोजनालाई भारतमा महिला एवं बाल विकास मंत्रालय ,स्वास्थ्य मंत्रालय ,परिवार कल्याण मंत्रालय एवं मानव संसाधन विकास मंत्रालयले संयुक्त रुपमा संचालन गर्छन । यसका उद्देश्य रणनीतिहरुमा पनि तय भएका छन ।

नेपालमा मधेश सरकारले सत्तारोहण हुने बित्तिकै यही कार्यक्रम कपी गरेको थियो र “बेटी बचाउ बेटी पढाउ” कार्यक्रम घोषणा गरेको थियो । यो कार्यक्रमलाई राष्ट्रपती बिद्यादवी भण्डारीले समेत बीरगंजमा आयोजीत एक कार्यक्रम मार्फत प्रशंसा गरेकी थिइन ।

मुख्यमंत्रीको कार्यालयबाट संचालन भएको यो “बेटी बचाउ बेटी पढाउ” कार्यक्रममा कक्षा ८ भन्दा माथि अध्ययनरत छात्रालाई साइकल बितरण गर्ने कायृक्रम अगाडि सारियो । त्यो कार्यक्रममा अनियमतिता भएको भन्दै अख्तियारले मुख्यमंत्री कार्यालयमा छापा मारेर अनुसन्धान गरि अहिले बिशेष अदालतमा मुद्धा दायर भएको छ ।

 <bottom>

प्रदेश सरकारले ०७८ साउन बाट साइकल बितरण रोकेको छ । छोरी बिमा कार्यक्रम पनि स्थगीत गरेको छ । ०७८ साउन २४ मा एक सूचना प्रकाशन गरि साइकल बितरण रोकिएको सूचना निकालेको मुख्यमंत्रीको कार्यालयले ०७८ मंसीर ८ मा बिद्यालयसंग साइकल बुझेको भरपाई लिएर साइकल दिएको छैन ।

बितरण स्थगीत गरिएको भएपनि बिदालयलाई साइकल बुझेको भरपाई बनाउन लगाएर लिने तर साइकल नदिनु अनियमितताको पराकाष्ठा हो । मुख्यमंत्री राउतको गृह जिल्लाका बिद्यालयहरुमा यस्तो गरिएको छ ।

साइकल बितरण कार्यक्रम रोकिएपछि मात्र पर्सा जिल्लामा मा १२ वटा सामुदायिक विद्यालयका ५ सय ८० जना छात्राले साइकल पाउने गरि मुख्यमंत्री कार्यालयले बिद्यालयबाट भरपाई लिएको छ बितो महतो जनता मावि, जीतपुर, नौकाटोलामा ४२, नेरा आधाभूत विद्यालय, कठकुइया, वसन्तपुरमा २१, सरस्वती आधारभूत विद्यालयमा २२, शारदा मावि, बहुअरी सुगौलीमा १ सय १०, मावि नेरामावि बगही, दीपनारायण नमूना मावि, औराहा, पंचगावाँमा गरी ५ सय ८० जना छात्राले साइकलको कूपन पाएका थिए । कुपन पाए तर साइकल पाएनन ।

दीपनारायण मावि, औराहाका प्रधानाध्यापक शिवनाथ महतोले साइकल पाएको भरपाई दिएको तर अहिलेसम्म साइकल नपाएको गुनासो गरे । मुख्यमंत्री कार्यालयमा अख्तियारले छापामारी गरेपछि मुख्यमंत्री र उनको पार्टी जसपाले दुराशाय राखेर अख्तियारले छापामारेको भन्दै बिरोधमा उत्रिएका थिए ।

तर अख्तियारले भ्रष्टाचार भएको ठहर गर्दै मुद्धा दायर गरेपछि मुख्यमंत्री र जसपाको नैतीक धरातल खुस्किएको छ । जसपा, नेपाल सधैं अनियमितता, भ्रष्टाचार, कमिसनतन्त्र, माफियातन्त्र र लुटतन्त्रको विरुद्ध सुशासन र सदाचारको पक्षमा रहेको कुरा सर्वविदितै छ ।

त्यतीबेला जसपका कार्यालय सचिव प्रकाश अधिकारीले जारी गरेको बिज्ञप्तिमा उल्लेख थियो । जसपाले जसको बिरोधमा बिज्ञप्ति निकालेको थियो अविछिन्न रुपमा स्थायी रुपमा चलेको मधेश प्रदेशको उसको सरकारले त्यही गरेको अहिले पुष्टि भएको छ ।

कथनी र करनीमा फरक देखिए पछि मुख्यमंत्रीको बचाउवमा जुलुशमा उत्रिएका कार्यकर्ताहरुमा पनि निराशा छ । मुख्यमंत्री राउत यतिवेला गृह जिल्लाका कार्यक्रममा ब्यस्त छन । उनलाई जिल्लाबासीले हाम्रा नानीहरुल साइकल कहिले पाउछन भन्दै प्रश्न गरिरहेका छन । मुख्यमंत्री नाजवाफ छन ।