logo

चिकित्सकलाई धम्कीदिनेलाई कारवाही गर्न पर्सा प्रहरीलाई स्थानीय प्रशासनको निर्देशन

 इसीमाना सम्बाददाता      २०७९ भदौ १४ गते ०९: ५६ मा प्रकाशित     293   पटक पढिएको

वीरगंजका चिकित्सकहरुले असुरक्षा भएको भन्दै स्थानीय प्रशासनसंग सुरक्षाको माँग गरेका छन । मंगलवार चिकित्सक संघको पदाधिकारीको नेतृत्वमा गएको एक टोलीले पर्साका प्रमुख जिल्ला अधिकारी उमेश ढकाललाई ज्ञापन पत्र बुझाउदै सुरक्षाको माँग गरेको हो ।

पर्साको छिपहरमाइ गाउँपालिका वडा न. २ चेरगाहाका ३२ वर्षीय फिरोज मियाँको पित्त थैलीमा रहेको पत्थरीको शल्यक्रिया वीरगन्ज हेल्थ केयर हस्पिटलमा साउन २६ गते भएको थियो ।

शल्यक्रया भइसकेपछि उनको स्वास्थ्य अवस्था जटिल बन्यो र थप उपचारका लागि उनलाइ काठमाडौंको मेडिसिटी अस्पतालमा पठाइयो ।

उनको उपचारको क्रममा भदौ ५ गते आइतवार राति मृत्यु भएको थियो । यही बिषयलाई लिएर मृतक पक्षले गरेको प्रर्दशन र दिएको धम्कीका कारण असुरक्षा भएको भन्दै चिकित्सकहरुले सुरक्षाको माँग गरेको नेपाल चिकित्सक संघ नारायणीका सविच डा. नवशादले जानकारी दिए ।


स्थानीय प्रशासनले घटनाको अनुसन्धानकोलागि जिल्ला प्रहरी कार्यालय पर्सालाई निर्देशन दिएको छ । चिकित्सकलाई धम्की दिने र स्वासथ्य उपचारको वतावरण बिगार्ने गतिविधिमा संलग्न भएकाहरुको बिषयमा अनुसन्धान गरि कारवाही गर्न स्थानीय प्रशासनले पर्सा प्रहरीलाई निर्देशन दिएको हो ।

यो निर्देशनसंगै दोषी डा.को कारवाही र क्षतीपूर्तीको माँग गर्दै आन्दोलन र प्रर्दशन गर्ने अगुवाहरुलाई प्रहरीले धरपकड गर्न सक्ने स्रोतको दावी छ । प्रहरीले अभद्र ब्यवहारमा कारवाही चलाउने तयारी गरेको स्रोतको दावी छ ।

चिकित्सकसंघको सफाई र आरोप

भदो ६ गते सोमबार पत्रकार सम्मेलनको आयोजना गरि चिकित्सक संघ नारायणी शाखाका अध्यक्ष डाक्टर मनोज गुप्ताले भने मृतकका आफन्तले लगाएको आरोपको खण्डन गर्दै डाक्टर अन्सारीको पेशागत चरित्र हत्या हुने गरि मिडियामा गरिएको झुठो प्रचारबाजीप्रति आपत्ति जनाए ।


डाक्टर गुप्ताले वीरगन्ज हेल्थ केयरमा उपचारका क्रममा दुरबिन प्रविधिबाट शल्यकृया गर्ने क्रममा आवश्यक सबै सावधानी अपनाउदा पनि मियाँको अत्याधिक रक्तश्राव भएपछि ओपन सर्जरीका माध्यमले रक्तश्राव रोकेर शल्यकृया गरिएको बताए ।

रक्तश्रावका कारण उनमा समस्या नआएको भन्दै डा. गुप्ताले आइसीयुमा उपचारका क्रममा बिरामी सेप्सिसमा गई श्वास प्रश्वासमा समस्या देखिएकाले अस्पतालमा उपलब्ध श्रोतसाधनले नभ्याएपछि मात्रै उनलाई थप उपचारका लागि काठमाडौंको मेडिसिटी अस्पताल रिफर गरिएको गुप्ताले बताए ।


फोक्सो र मुटुमा आएको संक्रमणका कारण उनलाई रेफर गर्नु परेको डा.गुप्ताको भनाई छ । तर मृतक पक्षले डा.को लापरवाहीका कारण मृत्यु भएको दावी गर्दै आएको छ । मृतकका आफन्तको आरोप बाहेक त्यो दावीलाई पुष्टि गर्ने आधार भने अहिले सम्म सार्वजनीक भएको छैन ।

के छ अस्पतालको प्रतिवेदनमा


वीरगंज हेल्थकेयर अस्पतालले शल्यक्रिया मृत्युको कारण नभएको स्पष्ट पारेको छ । अप्रेशन पछि रक्तश्राव नियन्त्रणमा आएको अस्पतालको प्रतिवेदनमा उल्लेख छ ।

अस्पतालले फोक्सो र मुटुमा देखिएको “संक्रमण” नियन्त्रण गर्न नसक्ने अवस्था आएपछि बिशेषज्ञ र प्रचुर साधन र स्रोतको प्रयोग गरि उपचार गर्नकालागि मेडिसीटी अस्पतालमा रेफर गरेको जनाएको छ ।

 

मेडिसीटी अस्पतालले समेत मृत्युको कारण मुटु र फाक्सोको संक्रमण भएको उल्लेख गरेको स्रोतले जनाएको छ । सर्जरी ल्यापसेसका कारण नभई संक्रमण नै मृत्युको कारण भएको मेडिसीटीको प्रतिवेदनमा उल्लेख छ ।

 

ललितपुर जिल्ला प्रहरी कार्यालयले शवको पोस्टमार्टम गर्नु पर्ने मृतक पक्षको भनाईलाई वेवास्ता गर्दै शवको सत्गत्कालागि पत्र उपलब्ध गराएको छ । काठमाण्डौमा शवको पोस्टमार्टम भएको छ । त्यसको प्रतिवेदन सार्वजनीक हुन भने बाँकी छ ।


फिरोजको पारिवारिक समस्या


फिरोजको घर पर्साको छिपहरमाइ गाउँपालिका वडा न. २ चेरगाहा भएपनि लामो समहय देखी उनी परिवारवाट अलग थिए । चाडपर्वमा समेत उनी घर नगई बीरगंज महानगरको वडा नं १४ गण्डक बहुवरीमा रहेको ससुरालीमा बस्ने गर्थे ।

 

काठमाण्डैमा मेनपावर एजेन्सी संचालन गर्दै आएका फिरोज विरामी भएपछि उनको श्रीमती र ससुरालीका परिवारका सदस्यको निगरानीमा वीरगंज हेल्थकेयर अस्पतालमा उनको उपचार शुरु भएको थियो ।

 

फोक्सो र मुटुको संक्रमणका कारण उनको स्वास्थ्य अवस्था बिग्रिदै गएपछि उनलाई थप उपचारकोलागि हेलिकप्टर मार्फत ललितपुर स्थित मेडिसीटी अस्पतालमा लगिएको थियो ।

 

मेडीसीटी अस्पतालमा भएको उपचारको खर्च समेत फिरोजको श्रीमतीले ब्वस्थापन गरेको बताइएको छ । फिरोजले बैदेशीक रोजगारीकालागि पर्सा जिल्लाबाट पनि केही युवाहरुको भिसा प्रक्रिया अगाडि बढाएका थिए । भिसा प्रक्रिया अगाडि बढाउनकालागि उनीहरुले केही रकम समेत दिएका थिए ।

 

करिव ५० जना युवाहरु फिरोज मार्फत बैदेशीक रोजगारीकोलागि बिदेश जाने तयारीमा थिए । उनीहरुले केही रकम समेत फिरोजलाई बुझाएका  थिए । फिरोजको देहान्तसंगै ति युवाहरुको बैदेशीक रोजगारमा जाने तयारी पनि प्रभाभित भएको बताइएको छ ।

उनले आफनो पेशा संचालन गरेर आर्जन गरेको रकम समेत कसले पाउने भन्ने बिषयले यो घटनालाई पेचिलो बनाएको दावी पनि गरिदैछ ।

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

सम्बन्धित शीर्षकहरु



सीमापारी/अन्तराष्ट्रिय

बिहारमा नितिशले लिए आठौ पटक मुख्यमंत्रीको शपथ,उपमुख्यमंत्रीमा यादव

भारतको बिहारमा जनता दल युनाइटेडका अध्यक्ष नितिश कुमारले आठौ पटक मुख्यमंत्रीको शपथ लिएका छन ।

एनडीएबाट अगल भयो जदयु ,भारतको बिहारमा आठौ पटक नितिशले शपथ लिने

भारतको बिहारका मुख्यमंत्री नीतीश कुमारले मंगलवार एनडीएको मुख्यमंत्री पदबाट राजीनामा दिनै बित्तिकै उनी महागठबन्धनको नेता चुनिएका छ ।

भ्रष्टाचार गरेको पाइएपछि पंजावका मुख्यमंत्रीले आफनै स्वास्थ्यमंत्रीलाई गरे बर्खास्त

पंजाबका मुख्यमंत्री भगवंत मानले अप्रत्याशित रुपमा आफनै क्याविनेटका स्वासथ्यमंत्रीलाई मंगलवार बर्खास्त गरेका छन । स्वास्थ्यमंत्री डा. बिजय सिंगलालाई उनले बर्खास्त गरेका हुन ।

उत्तर कोरियाका पांच उद्योगहरुमा अमेरिकी प्रतिवन्ध

अमेरिकाले उत्तर कोरियाका पांच उद्योगहरुमा प्रतिबंध लगाएको छ । उत्तर कोरियाले अंतरमहाद्वीपीय बैलिस्टिक मिसाइल (आइसीबीएम) समेत विभिन्न मिसाइलको परिक्षण गरेको बिषयलाई लिएर अमेरिकाले यस्तो कदम उठाएको हो ।

आधा आकाश

प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल

आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ

दाइजो बिरोधी अभियान चलाउन पीडितको नाममा प्रतिष्ठानको गठन

दाइजो प्रथाको न्यूनीकरणकोलागि काम गर्न एक प्रतिष्ठान निर्माण गरिने भएको छ

समाज

बलात्कार आरोपी यादव फरार

२४ वर्षिय महिलालाई बलात्कार आरोप लागेका छिपहरमाई गाउँपालिका वडा नं ४ बन्जारी घर भई वीरगंज महानगरपालिकाको वडा नं १४ पिप्रामा डेरामा बदै आएका २७ वर्षिय अर्जुन यादव फरार रहेका छन ।

पर्वका नाममा हुने बिकृति बिरुद्ध कमल चलाउन सचिव चौहानको अपिल

नेपाल पत्रकार महासंघका केन्द्रीय सचिव दस्पेन्द्र चौहानले सास्कृतिक पर्व मनाउने नाममा हुने बिकृतिका बिरुद्ध पत्रकारले कलम चलाउनु पर्ने बताएका छन ।

खेलकुद

वीरगञ्जमा अन्तर्राष्ट्रिय तेक्वान्दो प्रतियोगिता शुरु

वीरगञ्जमा पहिलो पटक अन्तर्राष्ट्रिय तेक्वान्दो प्रतियोगिता शुरु भएको छ । प्रतियोगिताको मधेश सरकारका उर्जा तथा खानेपानी मन्त्री ओमप्रकाश शर्माले उद्घाटन गर्नु भयो । प्रतियोगितामा नेपाल, भारत र बंगलादेशका गरी १३ वटा टिम सहभागीता रहेको छ ।

जीतपुरसिमरा गोल्डकपको उपाधी एनआरटीलाई

जगदम्बा १२औं जीतपुरसिमरा गोल्डकपको उपाधी न्युरोड टिम (एनआरटी) ले उचालेको छ । सिमरा रंगशालामा शनिवार भएको खेलमा विभागिय टिमलाई ५ /० को फराकिलो गोलअन्तरले पराजित गर्दै एनआरटीले उपाधी उचालेको हो ।
सम्पादक

कृष्णचन्द्र लामिछाने

९८५५०२२४९७

बिरगंज १४, पर्सा

सम्पर्क

सीमाना मिडिया प्रा.लि.
बिरगंज १४, पर्सा
सि.न.दर्ता प्रमाणपत्र नं.१८४०/०७६/७७/

info@simana.com, news@esimana.com


© 2021 Simana Media Pvt. Ltd.

Design and Development by Cyberlink Pvt. Ltd.