पर्सामा पन्ध्र महिने वालकमा संक्रमण पुष्टि परिवारका अन्यको पनि परिक्षण हुने ,बिद्यालय बन्यो आइसोलेशन वार्ड
बीरगंज १ जेठ
पर्साको कालिकामाई गाउँपालिकाका एक १५ महिने बालकमा पनि कोरोनाको संक्रमण देखिएको छ । पर्सामा बैशाख ३१ गते पुष्टि भएका ३ जना मध्ये १५ महिने बालक रहेको पुष्टि भएको कालिकामाई गाउँपालिका वडा नं ५ का अध्यक्ष पवन तिवारीले वताउनुभयो ।
संक्रमित ती बालक वडा नं. १ मुड्लीको रहेको अध्यक्ष तिवारीले जानकारी दिनु भयो । संक्रमित बालक आमासँगै गत बैशाख २७ गते भारतको सुगौलीबाट भिस्वा हुदै आफ्नो घर मुड्ली आएका थिए ।
उनको २८ गते स्वाब परिक्षण भएको थियो । आमामा कोरोनाको संक्रमण भए नभएको अहिले यकिन हुन नसकेको वडा नं. ५ का वडा अध्यक्ष तिवारीले जानकारी दिनुभयो ।
आमा सहित बालकलाई बीरगंजको आइसोलेशनमा राखिएको छ । आमाको समेत स्वाब परिक्षण गरिने नारायणी अस्पतालले जनाएको छ ।
संक्रमित बालकको परिवारका अन्य सदस्यलाई पनि गाउँपालिकाको क्वारेिन्टनमा राख्ने तयारी भइरहेको वडा नं. १ का वडाध्यक्ष रामशिष यादवले वताउनुभयो ।
बालकमा संक्रमण पुष्टि भएको थाहा पााएपछि परिवारका अन्य सदस्यलाई हालको लागि घर भित्रै बस्न भनेको यादवले वताउनु जानकारी दिनु भयो ।
यसैवीच वीरगञ्जस्थित नारायणी अस्पताल भरिएपछि १६ जना कोरोना संक्रमितलाई सिद्धार्थ माध्यमिक विद्यालयमा राखिएको छ ।
बैशाख ३० र ३१ गत थपिएका संक्रमितलाई विद्यालयमा निर्मित आइसोलेसन वार्डमा राखिएको पर्साका सहायक प्रमुख जिल्ला अधिकारी ललितकुमार बस्नेतले जानकारी दिनु भयो ।
नारायणी अस्पतालमा बेड अभाव भएपछि बैशाख ३० गते राति थपिएका १८ जनामध्ये १३ जनालाई ३१ गते राति मात्रै विद्यालयको आइसोलेसन कक्षमा ल्याइएको थियो ।
संक्रमित पुष्टि भएको २४ घण्टा बित्दा समेत उनीहरू घरमै बसेका थिए । ३१ गते राति थपिएका तीन जनालाई पनि विद्यालयको आइसोलेसन कक्षमा ल्याइएको उहाँले बताउनु भयो ।
प्रदेश २ को नारायणी अस्पतालमा कोरोना संक्रमितको चाप बढेपछि विपद् व्यवस्थापन समितिको बैशाख ३१ गते बसेको बैठकले विद्यालयमा दुई सय बेडको आइसोलेसन वार्ड बनाउने निर्णय भएको थियो । नारायणी अस्पतालमा अहिले ७० जना संक्रमितको उपचार भइरहेको अस्पतालले जनाएको छ ।
सम्बन्धित शीर्षकहरु
सीमापारी/अन्तराष्ट्रिय
प्रवासी नेपाली मंच स्लोभाकियाको अध्यक्षमा रुद्र किसन चयन
बेल्जियम । प्रवासी नेपाली मन्च स्लोभाकियाले रुद्र किसनलाई मन्चको अध्यक्ष चुनेको छ । मन्चको प्रथम अनलाइन भेलाले किसनको अध्यक्षतामा नयाँ कार्यसमिति चुनेको हो। भेलाले ३१ सदस्यीय कार्यसमिति सर्वसम्मत चयन गरेको हो।
गैरआवासीय नेपाली संघ, राष्ट्रिय समन्वय परिषद बेल्जियमको अध्यक्ष नेपाल सर्वसम्मत
बेल्जियम । गैरआवासीय नेपाली संघ, राष्ट्रिय समन्वय परिषद बेल्जियमको १० औं राष्ट्रीय महाधिबेशनले लोकेन्द्र नेपाललाई अध्यक्षमा सर्वसम्मत चयन गरेको छ ।
भिजिट भिसा प्रकरण ,पत्रकार महासंघ युकेको स्पाष्टोक्ति, गरिमा ख्याल राख्न अपिल
वीरगंज। नेपाल पत्रकार महासंघ यूकेले अधिवेशनको सन्दर्भमा ‘दर्जनभन्दा बढी व्यक्तिले भिजिट भिसा लिएको आशंका’ भन्दै आएका समाचारप्रति गम्भीर आपत्ति जनाएको छ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
भारतीय महिला माथि गोली प्रहार गर्ने शर्मा पक्राउ, प्रहरी अनुसन्धान गर्दै
वीरगञ्ज । एक भारतीय महिलामाथि गोली प्रहार गर्ने ब्यक्तिलाई पर्सा प्रहरीले पक्राउ गरेको छ । पक्राउ पर्ने ब्यक्तिको नाम प्रदीप शर्मा रहेको बताइएको छ ।
रौतहटको बसबिट्टी जिङ्गडिया एक महिलालाई बोक्सीको आरोपमा चारपाटे मुडेर निर्घात कुटपिट
रौतहट। रौतहटको गरुडा नगरपालिका–८ बसबिट्टी जिङ्गडिया निवासी ५५ वर्षीय सुशीला देवीलाई बोक्सीको आरोपमा कुटपिट सहित अमानवीय व्यवहार गर्नेहरु फरार भएका छन ।
खेलकुद
क्रिकेटर सन्दीप लामिछानेको सम्मानमा उनको जन्मगाउँमा क्रिकेट रङ्गशाला बनाउन शुरू
स्याङ्गजा । नेपाली राष्ट्रिय क्रिकेट टिमका पूर्व कप्तान क्रिकेटर सन्दीप लामिछानेको सम्मानमा स्याङ्जामा क्रिकेट रङ्गशाला बनाउन शुरू गरिएको छ ।
राष्ट्रपति रनिङ शिल्डमा वीरगंजको लगातार तेस्रो जीत
वीरगंज । वीरगंज महानगरपालिकाले लगातार तेस्रो वर्ष राष्ट्रपति रनिङ शिल्ड प्रतियोगितामा प्रथम स्थान हासिल गर्दै शिल्ड आफ्नो स्थायी स्वामित्वमा ल्याएको छ ।
तपाईको प्रतिक्रिया