कोरोना भाइरस (कोभिड – १९) को संक्रमणमा परी वीरगञ्जस्थित नारायणी अस्पतालमा उपचार गराईरहेका ४३ जना आज डिस्चार्ज  भएका छन् ।

नेपाल पत्रकार महासंघ पर्साका अध्यक्ष एवं  आवाज एफएमका प्रवन्धक श्याम बन्जारा र  अनलाईनखवरका सम्वाददाता सुरेश बिडारी पनि १४ दिनको आइसोलेशन बसाई पछि कारोना जितेर फर्किनु भएको छ । 

पछिल्ला दुईवटा रिपोर्ट नेगेटिभ भएपछि उहाँहरुलाई कोरोना मुक्त भन्दै डिस्चार्ज गरिएको अस्पतालका मेसु डा .मदनकुमार उपाध्यायले बताउनु भयो  ।

यसअघि नारायणीबाट आइतबार मात्रै १८ जना डिस्चार्ज भएका थिए ।  डा.उपाध्यायले पछिल्लो पटक ३० बैशाख र त्यसभन्दा अघिका विभिन्न मितिमा भर्ना भएका संक्रमितहरु कोरोनामुक्त भएको स्पष्ट पार्नु भयो  । आज ४३ जना कोरोनामुक्त हुँदा नारायणी अस्पतालको आइसोलेसन पनि खाली  भएको उहाँले बताउनु भयो  ।अवको ७२ घण्टा भित्रमा अस्पतालाई निर्मलीकरण (डिस्इन्फेक्टेड) गरेर   आम जनताको सेवामा समर्पित गरिने भएको छ । बीरगंज महानगरले डिसइन्फेक्टेड बनाएर अस्पतालमा नियमित सेवा संचालनको अवस्था बनाउने महानगर प्रमुख बिजय कुमार सरावगीले बताउनु भयो ।
वीरगञ्ज महानगरपालिकाको नगरप्रमुख  विजयकुमार सरावगीले वीरगञ्जस्थित नारायणी अस्पतालको जनरल सेवा ७२ घण्टा भित्र सुरु हुने बताउनु भएको छ। 

मेयर सरावगीले आफ्नो आधिकारिक फेसबुक हेण्डलबाट आज नारायणी असपतालमा उपचारत सम्पूर्ण कोरोना संक्रमितहरु डिस्चार्ज भएको बताउँदै छिटै नारायणी अस्पतालको आपतकालीन सेवा सहित अन्य सम्पूर्ण सेवाहरु पुन  शुरु हुने बताउनु भएको हो ।

कोरोना जीतेर घर फर्किएका दुई पत्रकार सहित अन्यलाई स्वागत गर्न महानगर प्रमुख सरावगी आफै अस्पताल जानु भएको थियो । कोरोना बिजेताहरुलाई पुष्प दिएर उहाँले स्वागत गर्नु भएको थियो । 

सोमबार कोरोनाभाइरसको संक्रमणबाट मुक्त भएर डिस्चार्ज भएका ४३ संक्रमितहरुलाई स्वास्थ्य लाभको शुभकामना दिँदै मेयर सरावगीले भोलिदेखि नै नारायणी अस्पताललाई डिसिन्फ़ेक्ट गर्ने कार्य सुरु हुने समेत जानकरी दिनु भएको थियो । 

मेयर सरावगीले नारायणीलाई सर्वसाधारण जनताले उपचार गर्न पाउने अस्पतालको रुपमा सञ्चालन गर्न आवश्यक पर्ने सम्पूर्ण कार्य महानगरपालिकाले गर्ने प्रतिवद्धता जनाउनु भएको छ ।

नारायणी अस्पताललाई जनताको अस्पताल वनाउन पहल गर्नुहुने पर्सामा क्रियाशिल प्रमुख राजनीतिक दलका नेतृत्वगण,माननीय , संविधानसभाका सदस्य, पूर्व माननीय , जनप्रतिनिधि , नागरिक समाजका अगुवाहरु, प्रमुख जिल्ला अधिकारी सहित सम्पूर्ण सुरक्षा निकायका प्रमुखहरु, नारायणी अस्पातालका मेसु सहित सम्पूर्ण चिकित्सक तथा स्वास्थ्यकर्मीहरु, वीरगंज उद्योग वाणिज्य संघका पदाधिकारी, सम्पूर्ण उद्योगी ब्यवसायीहरु, संचारकर्मीमित्रहरु, आदरणीय वीरगंजवासी दाजुभाई दिदी वहिनीहरुमा विशेष धन्यवाद सहित आभार प्रकट गर्दछु । संकटको घडिमा वीरगञ्जका जनताको सेवाको लागि वीरगञ्ज महानगरपालिका तपाईहरुको साथमा हुने विश्वास दिलाउन चाहन्छु ” उहाँले आफनो सामाजिक संजालमा लेख्नु भएको छ । 

महानगर प्रमुख बिजय सरावगीकै कारण नारायणी अस्पताल फेरी मध्य तराइका  नागरिकको स्वास्थ्य रक्षाको अभियानमा सहभागि हुने भएको छ ।

राजनीति नेतृत्वको बहुलठीपनकै कारण नारायणी कोभिड अस्पतालको रुपमा परिणत भएको थियो । धेरै संक्रमीतहरुलाई नयाँ जीवन दिन सकेको नारायणीले अव सीमान्त जीवन यापन गर्ने नागरिकलाई अन्य स्वास्थ्य सम्बन्धी सेवा दिनेछ ।

कोरोना बिरुद्धको अभियानमा बीरगंज महानगरका प्रमुखको नेतृत्वमा अन्य ब्यवस्थापन हुने चित्रहरु देखा परेका छन । 

अव यस क्षेत्रका बाँकी बिरामी अहिले सोही अस्पतालले महानगरको ब्यवस्थापनमा सञ्चालमा ल्याएको कोरोना विशेष अस्पताल ९गण्डक अस्पताल० मा रहेका छन् । सो अस्पतालमा अहिले २७ जना बिरामी छन् ।

नारायणीको पछिल्लो विवरण सहित कोरोना जितेर घर फर्कनेको संख्या १५५ पुग्नेछ ।