ठोरीको ठुटेखोला पुल आजबाट सञ्चालनमा,ठोरीवासीको सपना पुरा हुदै
६ करोडकोलागतमा चार वर्ष अघि निर्माण भएको ठोरीको ठुटेखोला पुल आजबाट सञ्चालनमा आएको छ। पुल संचालन संगै ठोरीबासीको सपना पनि पुरा भएको छ ।
पूल निर्माण भएको ४ वर्ष बितेको थियो । तर पुल भएर हिड्न पाइएको थिएन । पुल संचालनमा आएपछि ठोरीबासी खुशी भएका छन ।
हुलाकी सडकखण्ड अन्तर्गत ठोरी गाउँपालिकाको वडा नं २ र ३ को बीचमा पर्ने ठुटेखोला पुलको पूर्वतर्फबाट भारततर्फ गएको एउटा सिंचाइ कुलो पुरेर पुल सञ्चालनमा ल्याइएको हो।
चमरी होल–ठोरी हुलाकी सडक निर्माण कम्पनी बानियाँ कन्स्ट्रक्शनको टिपर चलाएर पुल सञ्चालनको सुरुआत गरिएको जिल्ला समन्वय समिति पर्साका उपप्रमुख ठाकुरप्रसाद न्यौपानेले बताउनु भयो।
पुलभन्दा पूर्वबाट भारततर्फ गएको दुईवटा सिंचाइ कुलोको कारण पुलमा सवारी पुग्न पाएको थिएन। दुईमध्ये एउटा कुलो पुरेर आज पुलमा सवारी चलाइएको हो।
अर्को एउटा कुलोमा हुलाकी सडक निर्माण कम्पनीले पक्की कल्भर्ट निर्माण गरेर भारततर्फ सिंचाइ पानी छोड्ने भएको छ।
यसअघि भारतीय कृषकहरूले दुईवटै कुलो पुर्न नहुने, दुवै कुलोमा कल्भर्ट निर्माण गरी सिंचाइ पानी छोड्नुपर्ने अडान लिंदै पुल सञ्चालनमा अवरोध पु–याएका थिए।
यता नेपालतर्फ ठोरी–३ रामनगरका कृषकहरूले भने भारततर्फ गएको सबै कुलो पुर्नुपर्ने अड्डी कसेका थिए।
बितेको जेठ १० गते ठोरी १, २ र ३ को संयुक्त बैठक बसी भारततर्फको एउटा कुलो पुर्ने र अर्को कुलोमा कल्भर्ट निर्माण गर्ने निर्णय गरेको थियो। सोही निर्णय अनुसार आज पुजनजीकैको एउटा कुलो पुरेको हो।
सम्बन्धित शीर्षकहरु
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
काठमाडौँ । कर्णाली प्रदेशमा हुने दसौँ राष्ट्रिय खेलकुदको लोगो र मस्कट मंगलवार सार्वजनिक गरिएको छ ।
तपाईको प्रतिक्रिया